தூத்துக்குடி மாவட்டத்தில் பரவலாக மழை : பொதுமக்கள் மகிழ்ச்சி!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி மாவட்டத்தில் பரவலாக மழை : பொதுமக்கள் மகிழ்ச்சி!

புதன் 11, மார்ச் 2026 12:42:02 PM (IST)

தூத்துக்குடி மாவட்டத்தில் கடந்த 24 மணி நேரத்தில் பரவலாக லேசானது முதல் மிதமான மழை பெய்துள்ளது. அதிகபட்சமாக ஸ்ரீவைகுண்டத்தில் 33.00 மி.மீ மழை பதிவாகியுள்ளது.

தமிழகத்தில் கிழக்கு திசை காற்றின் மாறுபாடு காரணமாக இன்று நெல்லை, தென்காசி, தூத்துக்குடி மாவட்டங்களில் பரவலாக மழை பெய்யும் என்று ஏற்கனவே வானிலை மையம் அறிவித்திருந்தது. அதன்படி மாவட்டங்களில் நேற்று இரவு முதல் சாரல் மழை பரவலாக பெய்தது.

தூத்துக்குடி மாவட்டத்தை பொறுத்தவரை கடந்த 2 வாரங்களாக கடுமையான வெயில் வாட்டி வதைத்து வந்தது. இதனால் பொதுமக்கள், வாகன ஓட்டிகள் என அனைத்து தரப்பினரும் கடும் அவதி அடைந்த நிலையில், நேற்று நள்ளிரவு முதல் மாவட்டத்தின் பல்வேறு இடங்களிலும் திடீர் மழை பெய்தது.

தூத்துக்குடி மாவட்டத்தில் மழை அளவு

ஸ்ரீவைகுண்டம் 33.00 மி.மீ

சாத்தான்குளம் 13.80 மி.மீ

ஓட்டப்பிடாரம் 13.00 மி.மீ

தூத்துக்குடி 7.00 மி.மீ

திருச்செந்தூர் 2.40 மி.மீ

மொத்த மழைப்பொழிவு: 72.20 மி.மீ

மாவட்டத்தின் சராசரி மழை அளவு: 3.80 மி.மீ

கோவில்பட்டி, கயத்தாறு, எட்டயபுரம் மற்றும் விளாத்திகுளம் ஆகிய பகுதிகளில் மழை பதிவாகவில்லை. மேலும் இன்று தூத்துக்குடி மாவட்டத்திற்கு "லேசான மழை" பெய்யக்கூடும் என்று இந்திய வானிலை ஆய்வு மையம் கணித்துள்ளது.

தூத்துக்குடி முத்தையாபுரம், விமான நிலையம் பகுதி மற்றும் புதுக்கோட் டையில் கனமழை கொட்டியது. இன்று காலை 8 மணி வரையிலும் பெய்த கனமழை காரணமாக மாவட்டத்தில் ஏராளமான உப்பளங்கள் நீரில் மூழ்கியதால் உப்பு உற்பத்தி பாதிப்படைந்தது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: