மதுபோதையில் புரோட்டா கடையில் ரகளை: வாலிபர் கைது!

» செய்திகள் - விளையாட்டு » மாவட்ட செய்தி (தூத்துக்குடி)

மதுபோதையில் புரோட்டா கடையில் ரகளை: வாலிபர் கைது!

திங்கள் 12, ஜனவரி 2026 8:28:09 AM (IST)

கழுகுமலையில் மதுபோதையில் புரோட்டா கடையில் சாப்பிட்டதற்கு பணம் தரமறுத்து ரகளையில் ஈடுபட்ட வாலிபரை போலீசார் கைது செய்தனர்.

தூத்துக்குடி மாவட்டம், கழுகுமலை ஆறுமுகம் நகர் பகுதியை சேர்ந்த பாண்டியன் மகன் இளமாறன் (45). இவர் கழுகுமலை அரண்மனை வாசல் தெரு பகுதியில் புரோட்டா கடை நடத்தி வருகிறார். இந்நிலையில் நேற்று முன்தினம் இரவு இவரது கடைக்கு கழுகுமலை வட்டத்தெரு பகுதியை சேர்ந்த காளிராஜ் மகன் கட்டிட தொழிலாளியான இசக்கிமாரி (31) என்பவர் வந்துள்ளார்.

மதுபோதையில் இருந்த அவர் புரோட்டா உள்ளிட்ட உணவு பொருட்களை வாங்கி சாப்பிட்டுள்ளார் பின்னர் சாப்பிட்டதற்கு உரிய பில்லுக்கான பணத்தை ஊழியர் கேட்டுள்ளார். சாப்பிட்டதற்குரிய பணத்தை தரமுடியாது என்று கூறியதுடன், அந்த ஊழியரை அவதூறாக பேசி தகராறு செய்துள்ளார்.

இதை பார்த்த மற்ற ஊழியர்களும் அவரை தட்டி கேட்டபோது, அவர்களையும் அவதூறாக பேசிய இசக்கிமாரி ரகளையில் ஈடுபட்டுள்ளார். இதனால் அந்த பகுதியில் பரபரப்பு ஏற்பட்டுள்ளது. இதுகுறித்து கடை உரிமையாளர் இளமாறன் கழுகுமலை போலீசாரிடம் புகார் செய்தார்.

உடனடியாக போலீஸ் சப்- இன்ஸ்பெக்டர் தமிழ்செல்வன் தலைமையில் போலீசார் விரைந்து சென்றனர். ஆனால் அதற்குள் அவர் அங்கிருந்து தப்பி சென்று விட்டதாக கூறப்படுகிறது. இதுகுறித்து கழுகுமலை போலீசார் வழக்குப்பதிவு செய்து நேற்று அவரை கைது ெசய்தனர்.

மக்கள் கருத்து

ஆண்ட பரம்பரைJan 14, 2026 - 01:34:26 PM | Posted IP 104.2*****

திருட்டு பரம்பரை

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: