கல்லூரி மாணவர் விஷம் குடித்து தற்கொலை: போலீசார் விசாரணை!

வல்லநாடு அருகே கல்லூரி மாணவர் விஷம் குடித்து தற்கொலை செய்து கொண்டது தொடர்பாக போலீசார் விசாரணை நடத்தி வருகின்றனர். 

இதுகுறித்து போலீஸ் தரப்பில் கூறப்படுவதாவது : தூத்துக்குடி மாவட்டம் வல்லநாடு அருகே உள்ள ஆறாம்பண்ணை கிராமம் அரபாத் நகரைச் சேர்ந்தவர் லட்சுமணன் மகன் பொன்ராஜ் (21), இவர் நெல்லையில் உள்ள ஒரு கல்லூரியில் பிஏ 3ம் ஆண்டு படித்து வருகிறார். இவர் கடந்த 10 நாட்களாக கல்லூரிக்கு செல்ல வில்லையாம். இது குறித்து அவரது தந்தை கேட்கவே எனக்கு படிக்க விருப்பமில்லை வேலைக்கு செல்கிறேன்.

நீங்கள் கஷ்டப்படுவதை என்னால் தாங்க முடியாது என்று கூறினாராம். ஆனால் அவரது தந்தை நீ தொடர்ந்து படிக்க வேண்டும் என்று வற்புறுத்தினாராம். இதனால் மனவேதனையில் குளிர்பானத்தில் விஷம் கலந்து குடித்துள்ளார். இதையடுத்து அவரை நெல்லை அரசு மருத்துவமனைக்கு கொண்டு செல்லும் வழியில் பரிதாபமாக இறந்தார். இந்த சம்பவம் குறித்து முறப்பநாடு காவல் நிலைய இன்ஸ்பெக்டர் ரமேஷ் மோகன் வழக்கு பதிவு செய்து விசாரணை நடத்தி வருகிறார்.