போதைப் பொருள் ஒழிப்பு விழிப்புணர்வு பேரணி

தூத்துக்குடி சக்தி வித்யாலயா மெட்ரிக்குலேசன் பள்ளி சார்பில்  போதைப் பொருள் ஒழிப்பு விழிப்புணர்வு பேரணி நடைப்பெற்றது.

தூத்துக்குடி சக்தி வித்யாலயா மெட்ரிக்குலேசன் பள்ளியில் போதைப் பொருள் ஒழிப்பு தினத்தையொட்டி விழிப்புணர்வு பேரணியை பள்ளியின் தாளாளரும், சாரண, சாரணிய இயக்கத்தின் மாநில துணை ஆணையரும் மற்றும் மாவட்ட பயிற்சி ஆணையருமான ஆ.ஜெயாசண்முகம் தொடங்கி வைத்தார். மேலும், போதைப் பழக்கத்திற்கு எதிரான உறுதிமொழி மாணவ, மாணவிகளால் எடுக்கப்பட்டது. 

மாணவ, மாணவிகள் போதை ஒழிப்பு பற்றிய வாசகங்கள் அடங்கிய பதாகைகளுடன் பொதுமக்களிடம் விழிப்புணர்வு ஏற்படுத்தும் வகையில் வாசகங்களை கூறிக்கொண்டு காமராஜ்நகர், 3-ம் மைல், ஆசிரியர்காலனி, சங்கர்காலனி வழியாக பள்ளியை வந்தடைந்தனர். இதற்கான ஏற்பாடுகளை பள்ளியின் சாரண, சாரணிய பயிற்சியாளர்கள் உதயம்மாள், மணிமேகலை, பொன்னரசி மற்றும் ஆசிரியைகள் செய்திருந்தனர். பேரணியில் கலந்து கொண்ட அனைவருக்கும் துணை முதல்வர் ரா.ச.பிரியங்கா நன்றி கூறினார்.