நாசரேத் மர்காஷிஸ் பள்ளியில் உலக சுற்றுச் சூழல் தின விழா!

நாசரேத் மர்காஷிஸ் மேல்நிலைபபள்ளியில்உலக சுற்றுச்சூழல் தினம் அனுசரிக்கப்பட்டது. 

                  

இந்நிகழ்விற்கு  தலைமை யாசிரியர் கென்னடி வேதராஜ் தலைமை தாங்கினார். உதவி தலைமையாசிரியர் சார்லஸ் திரவியம் முன்னிலை வகித்தார். இயற்பியல் ஆசிரியர் ஜெர்சோம் ஜெபராஜ் உலக சுற்றுச்சூழல் தினம் குறித்து விளக்கி கூறினார். சுற்றுச்சூழல் பாதுகாப்பின் முக்கியத்துவம், வன விலங்குகளின் பாதுகாப்பின் அவசியம், சுற்றுச்சூழலின் சமச்சீர் நிலை, மரங்களை வளர்த்தல், புவி வெப்பமயமாவதை தடுத்தல்  மற்றும் மியாவாக்கி காடுகளை உருவாக்குதல் ஆகியவற்றை குறித்து எடுத்துரைத்தார். 

மர்காஷிஸ் மேல்நிலைப்பள்ளியின் தேசிய மாணவர் படை சார்பில் வழங்கப்பட்ட மருத்துவ குணம் வாய்ந்த மரக்கன்றினை, தலைமையாசிரியர் கென்னடி வேதராஜ் பள்ளி வளாகத்தில் நட்டு வைத்தார்.  தேசிய மாணவர் படை அலுவலர் சுஜித் செல்வசுந்தர், அலுவலகப் பணியாளர்கள் ஜெபஸ்டின், அப்பல்லோ, ராஜ குமார், காளிராஜ் மற்றும் ஜோசப் ஆகியோர் கலந்து கொண்டனர். அறிவியல் ஆசிரியர் ஜென்னிங்ஸ், காமராஜ் ஆகியோர் இதற்கான ஏற்பாடுகளை செய்திருந்தனர்.