தூய்மைப்பணியாளர்கள் நல வாரியத்தில் புதிய உறுப்பினர்கள் சேர்க்கை முகாம் - ஆட்சியர் தகவல்!

தமிழ்நாடு ஆதிதிராவிடர் வீட்டு வசதி மற்றும் மேம்பாட்டுக்கழகம் (தாட்கோ) சார்பாக தூத்துக்குடி மாவட்டத்தில் பேரூராட்சிகள், நகராட்சிகள், மாநகராட்சி பகுதியில் உள்ள தூய்மை பணிபுரிவோர், தமிழ்நாடு தூய்மைப்பணியாளர் நல வாரியத்தில் உறுப்பினர்களாக பதிவு செய்யப்படாமல் உள்ளவர்கள் புதியதாக பதிவு செய்திடவும் மற்றும் ஏற்கனவே பதிவு செய்த உறுப்பினர்கள் நலத்திட்டங்களுக்கு விண்ணப்பிக்கவும் சிறப்பு முகாம்கள் நடைபெறவுள்ளது. 

இம்முகாமானது 25.07.2028 அன்று தூத்துக்குடி / திருச்செந்தூர் / கோவில்பட்டி வருவாய் வட்டாட்சியர் அலுவலகங்களிலும், 01.08.2026 அன்று தூத்துக்குடி / ஸ்ரீவைகுண்டம் / திருச்செந்தூர் வருவாய் வட்டாட்சியர் அலுவலகங்களிலும், 08.08.2026 அன்று தூத்துக்குடி / திருச்செந்தூர் / கோவில்பட்டி வருவாய் வட்டாட்சியர் அலுவலகங்களிலும், 16.08.2026 அன்று தூத்துக்குடி / ஸ்ரீவைகுண்டம் / திருச்செந்தூர் / விளாத்திக்குளம் வருவாய் வட்டாட்சியர் அலுவலகங்களிம் நடைபெறவுள்ளது. 

எனவே தூய்மை பணிபுரியும் பணியாளர்கள் உரிய அவணங்களுடன் வட்டாட்சியர் அலுவலகங்களில் நடைபெறும் முகாமில் கலந்து கொண்டு பயன்பெறலாம் என மாவட்ட ஆட்சியர் விஷு மகாஜன் தெரிவித்துள்ளார்.