ரோச் பார்க் பகுதியில் 6 கிலோ கஞ்சா பறிமுதல்: வாலிபர் கைது!

தூத்துக்குடி ரோச் பார்க் பகுதியில் சட்டவிரோதமாக விற்பனை செய்வதற்காகக் கஞ்சா வைத்திருந்த வாலிபரைத் தெற்கு காவல் நிலைய போலீசார் கைது செய்தனர்.

தூத்துக்குடி தெற்கு பகுதிக்குட்பட்ட ரோச் பார்க் பகுதியில் தெற்கு காவல் நிலைய ஆய்வாளர் திருமுருகன் தலைமையில் காவல்துறையினர் தீவிர தீவிர ரோந்துப் பணியில் ஈடுபட்டிருந்தனர். அப்போது சந்தேகத்திற்கு இடமான வகையில் சுற்றித் திரிந்த நபரைப் பிடித்து விசாரணை நடத்தினார்கள். விசாரணையில், அவர் தூத்துக்குடி அழகேசபுரம் பகுதியைச் சேர்ந்த ஜான்சன் என்பவரின் மகன் ஜேம்ஸ் சந்தோஷம் (27) என்பதும், அவர் சட்டவிரோத விற்பனைக்காகக் கஞ்சா வைத்திருந்ததும் தெரியவந்தது.

இதனைத் தொடர்ந்து, ஜேம்ஸ் சந்தோஷத்தைக் கைது செய்த காவல்துறையினர், அவரிடமிருந்து 6 கிலோ கஞ்சாவைப் பறிமுதல் செய்தனர். மேலும், இது தொடர்பாக வழக்குப் பதிவு செய்து தீவிர விசாரணை மேற்கொண்டு வருகின்றனர்.