அடையாளம் தெரியாத வாகனம் மோதி முதியவர் பலி - அதிர்ச்சியில் நிலைதடுமாறி விழுந்த பெண்!

» செய்திகள் - விளையாட்டு » மாவட்ட செய்தி (தூத்துக்குடி)

அடையாளம் தெரியாத வாகனம் மோதி முதியவர் பலி - அதிர்ச்சியில் நிலைதடுமாறி விழுந்த பெண்!

சனி 9, மே 2026 10:43:37 AM (IST)

எட்டயபுரம் அருகே இளம்புவனம் ஓடை பாலம் பகுதியில் அடையாளம் தெரியாத வாகனம் மோதி முதியவர் ஒருவர் சம்பவ இடத்திலேயே பரிதாபமாக உயிரிழந்தார்.

தூத்துக்குடி மாவட்டம் எட்டயபுரம் அருகே உள்ள இளம்புவனம் கிராமத்தைச் சேர்ந்தவர் ராசு மகன் பாண்டியராஜ் (70). இவர் இன்று காலை சுமார் 9 மணியளவில் எட்டயபுரம் சென்றுவிட்டு, மீண்டும் தனது ஊருக்குத் திரும்புவதற்காக எட்டயபுரம் - கோவில்பட்டி சாலையில் நடந்து வந்து கொண்டிருந்தார்.

இளம்புவனம் கிராமத்திற்கு முன்பாக உள்ள ஓடைப் பாலத்தின் அருகே பாண்டியராஜ் வந்தபோது, அவ்வழியாக அதிவேகமாக வந்த அடையாளம் தெரியாத வாகனம் ஒன்று அவர் மீது பயங்கரமாக மோதிவிட்டு நிற்காமல் தப்பிச் சென்றது. இந்த விபத்தில் தலையில் பலத்த ரத்தக் காயமடைந்த பாண்டியராஜ் சம்பவ இடத்திலேயே உயிரிழந்தார்.

அந்தச் சமயம், எட்டயபுரத்தில் இருந்து மாதாபுரம் நோக்கி தனது இருசக்கர வாகனத்தில் வந்து கொண்டிருந்த ஸ்டெல்லா மேரி (32) என்ற பெண், சாலையில் ரத்த வெள்ளத்தில் முதியவர் கிடப்பதைக் கண்டு அதிர்ச்சியில் நிலைகுலைந்து தனது வாகனத்தில் இருந்து கீழே விழுந்தார். அதிர்ஷ்டவசமாக அவருக்குக் காயங்கள் ஏதும் ஏற்படவில்லை.

தகவலறிந்து வந்த போலீசார், உயிரிழந்த பாண்டியராஜின் உடலை 108 ஆம்புலன்ஸ் மூலம் மீட்டு பிரேதப் பரிசோதனைக்காகக் கோவில்பட்டி அரசு மருத்துவமனை பிணவறைக்கு அனுப்பி வைத்தனர். விபத்தை ஏற்படுத்திவிட்டுத் தப்பிச் சென்ற வாகனம் குறித்து போலீசார் வழக்குப் பதிவு செய்து, அப்பகுதியில் உள்ள சிசிடிவி காட்சிகளை ஆய்வு செய்து தீவிர விசாரணை மேற்கொண்டு வருகின்றனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: