ஆழ்வார்திருநகரி ஆதிநாதர் ஆழ்வார் கோவிலில் கருட சேவை : திரளான பக்தர்கள் சாமி தரிசனம்

» செய்திகள் - விளையாட்டு » மாவட்ட செய்தி (தூத்துக்குடி)

ஆழ்வார்திருநகரி ஆதிநாதர் ஆழ்வார் கோவிலில் கருட சேவை : திரளான பக்தர்கள் சாமி தரிசனம்

திங்கள் 7, ஏப்ரல் 2025 8:58:34 AM (IST)

ஆழ்வார்திருநகரி ஆதிநாதர் கோவில் பங்குனி திருவிழாவின் முக்கிய நிகழ்வான கருடசேவை நேற்று இரவு நடந்தது. இதில் திரளான பக்தர்கள் கலந்து காண்டு சாமி தரிசனம் செய்தனர்.

தாமிரபரணி ஆற்றின் கரையில் அமைந்துள்ள நவதிருப்பதி கோவில்களில் 9-வது தலமான ஆழ்வார்திருநகரி ஆதிநாதர் ஆழ்வார் கோவிலில் பங்குனி திருவிழா கடந்த 2-ந்தேதி கொடியேற்றத்துடன் தொடங்கியது. தொடர்ந்து விழா நாட்களில் தினமும் காலையும், மாலையும் சுவாமி பொலிந்து நின்றபிரான் பல்வேறு வாகனங்களில் எழுந்தருளி வீதி உலா சென்று பக்தர்களுக்கு அருள்பாலித்து வந்தார்.

திருவிழாவின் முக்கிய நிகழ்வான கருடசேவை நேற்று இரவு நடந்தது. முன்னதாக, காலை 5 மணிக்கு கோவில் நடை திறக்கப்பட்டு, காலை 5.30 மணிக்கு விஸ்வரூபம், 6 மணிக்கு திருமஞ்சனம், நித்தியல், கோஷ்டி நடைபெற்றது.

காலை 8 மணிக்கு உற்சவர் பொலிந்து நின்றபிரான் மாட வீதிகளில் உலா சென்று பக்தர்களுக்கு அருள்பாலித்தார். காலை 11 மணிக்கு சிறப்பு திருமஞ்சனம், தீபாராதனை, நாலாயிர திவ்யப்பிரபந்தம், சாத்துமுறை நடந்தது. மாலை 5 மணிக்கு சாயரட்சை, 5.30 மணிக்கு சுவாமி மற்றும் நம்மாழ்வார் வாகன குறட்டிற்கு எழுந்தருளினர்.

இரவு 7.30 மணியளவில் சுவாமி பொலிந்து நின்ற பிரான் கருட வாகனத்திலும், நம்மாழ்வார் அன்ன வாகனத்திலும் எழுந்தருளி பக்தர்களுக்கு காட்சி கொடுத்தனர். பின்னர் திருவீதி உலா நடந்தது. இந்நிகழ்ச்சியில் எம்பெருமானார் ஜீயர் சுவாமிகள் உட்பட திரளான பக்தர்கள் கலந்து கொண்டு சாமி தரிசனம் செய்தனர்.

சிகர நிகழ்வான தேரோட்டம் வருகிற 10-ந்தேதி காலை 8 மணிக்கு தேரோட்டம் நடக்கிறது. மறுநாள் தீர்த்தவாரி நடைபெறுகிறது. விழா ஏற்பாடுகளை கோவில் நிர்வாகத்தினர் மற்றும் பொதுமக்கள் செய்து வருகின்றனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

ஆழ்வார்திருநகரி ஆதிநாதர் ஆழ்வார் கோவிலில் கருட சேவை : திரளான பக்தர்கள் சாமி தரிசனம்

» செய்திகள் - விளையாட்டு » மாவட்ட செய்தி (தூத்துக்குடி)