ஓட்டப்பிடாரத்தில் அரசு கலைக் கல்லூரிக்கு தற்காலிக இடம் தேர்வு : ஆட்சியர் ஆய்வு

» செய்திகள் - விளையாட்டு » மாவட்ட செய்தி (தூத்துக்குடி)

ஓட்டப்பிடாரத்தில் அரசு கலைக் கல்லூரிக்கு தற்காலிக இடம் தேர்வு : ஆட்சியர் ஆய்வு

புதன் 2, ஏப்ரல் 2025 5:18:48 PM (IST)

ஓட்டப்பிடாரத்தில் தற்காலிகமாக அரசு கலைக் கல்லூரி செயல்படுத்தப்பட உள்ள இடத்தினை மாவட்ட ஆட்சியர் க.இளம்பகவத் ஆய்வு மேற்கொண்டார்

தூத்துக்குடி மாவட்டம், ஓட்டப்பிடாரம் வட்டத்தில் இன்று (02.04.2025) புதிய பயனாளிகளுக்கு இலவச வீட்டுமனை பட்டா வழங்கிட தேர்வு செய்யப்பட்டுள்ள இடத்தினையும், தற்காலிகமாக அரசு கலைக் கல்லூரி செயல்படுத்தப்படவுள்ள இடத்தினையும் மற்றும் ஜவுளிப்பூங்கா அமைப்பது தொடர்பான இடத்தேர்வினையும் மாவட்ட ஆட்சியர் க.இளம்பகவத், பார்வையிட்டு ஆய்வு மேற்கொண்டார்.

ஓட்டப்பிடாரம் வட்டம் அரைக்குளம் கிராமத்தில் பயனாளிகளுக்கு இலவச வீட்டுமனை பட்டா வழங்கிட தேர்வு செய்யப்பட்டுள்ள இடத்தினையும், அதேபோல் ஆதிதிராவிடர் நலத்துறையின் சார்பில் ஓட்டப்பிடாரம் வட்டம் குலசேகரநல்லூர் கிராமத்தில் பயனாளிகளுக்கு இலவச வீட்டுமனை பட்டா வழங்கிட தேர்வு செய்யப்பட்டுள்ள இடத்தினையும் பார்வையிட்டு ஆய்வு செய்தார்.

அதனைத்தொடர்ந்து, ஓட்டப்பிடாரம் ஊராட்சி ஒன்றிய அலுவலக வளாகத்தில் அரசு கலைக்கல்லூரி தற்காலிகமாக செயல்படுத்தப்படவுள்ள இடத்தினையும், புதிதாக கட்டி முடிக்கப்பட்டுள்ள வாட்டாட்சியர் அலுவலகக் கட்டிடத்தினையும் பார்வையிட்டு ஆய்வு செய்தார்.

தொடர்ந்து, ஓட்டப்பிடாரம் வட்டாட்சியர் அலுவலகத்தில் திடீர் ஆய்வு மேற்கொண்டார். மேலும், ஜவுளிப்பூங்கா அமைப்பதற்கான இடத்தினையும் மாவட்ட ஆட்சியர் க.இளம்பகவத், பார்வையிட்டு ஆய்வு செய்தார். ஆய்வின்போது, ஓட்டப்பிடாரம் வட்டாட்சியர் ஆனந்த், வட்டார வளர்ச்சி அலுவலர்கள் சசிகுமார் (வ.ஊ), சித்தார்த்தன் (கி.ஊ) ஆகியோர் உடனிருந்தனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

ஓட்டப்பிடாரத்தில் அரசு கலைக் கல்லூரிக்கு தற்காலிக இடம் தேர்வு : ஆட்சியர் ஆய்வு

» செய்திகள் - விளையாட்டு » மாவட்ட செய்தி (தூத்துக்குடி)