தமிழகத்தின் வளர்ச்சி 9.69% ஆக உயர்ந்துள்ளது : அமைச்சர் தங்கம் தென்னரசு பேட்டி

தூத்துக்குடி மாநகராட்சி மாநாட்டு மையத்தில் சுயதொழில் தொடங்கவிருக்கும் இளைஞர்கள் பயன்பெறும் வகையில் புத்தொழில் களம் என்ற நிகழ்ச்சி கனிமொழி எம்பி தலைமையில் நடைபெற்றது. இந்த நிகழ்ச்சியில் அமைச்சர்கள் தங்கம் தென்னரசு, கீதாஜீவன், அனிதா ராதாகிருஷ்ணன், மேயர் ஜெகன் பெரியசாமி உடப்ட பலர் கலந்து கொண்டனர்.

பின்னர் அமைச்சர் தங்கம் தென்னரசு அளித்த பேட்டியில், "இந்தியாவின் பொருளாதார வளர்ச்சியில் தமிழ்நாடு முக்கிய பங்கு வகிக்கிறது. தமிழகத்தின் வளர்ச்சி 9.69 சதவிகிதமாக உயர்ந்துள்ளது. இது மிக சிறப்பானது. 9.69 சதவிகிதம் என்பது கடந்த 10 ஆண்டுகள் வளர்ச்சியை ஒப்பிட்டு பார்க்கும்போது எட்ட முடியாத வளர்ச்சி. முதல்வர் கடந்த நான்கு ஆண்டுகள் எடுத்த பல்வேறு முயற்சிகளினால் நமக்கு இந்த மிகப்பெரிய வளர்ச்சி கிடைத்துள்ளது.