ஓட்டப்பிடாரம் வட்டத்தில் வளர்ச்சித் திட்டப் பணிகள் : ஆட்சியர் ஆய்வு!

தூத்துக்குடி மாவட்டம், ஓட்டப்பிடாரம் வட்டம் ஓட்ப்பிடாரம் ஊராட்சி ஒன்றியத்திற்குட்பட்ட வடக்குகல்மேடு கிராமம் அருகில் உள்ள கல்லாறு ஆற்றின் குறுக்கே கட்டப்பட்டுள்ள கட்டபொம்மன் அணைக்கட்டின் நிரந்தர சீரமைப்பு பணிகளையும் கக்கரம்பட்டி ஊராட்சியில்ரூ.18.42 இலட்சம் மதிப்பீட்டில் புதிதாக கட்டப்பட்டுள்ள அங்கன்வாடி மையம், கக்கரம்பட்டி ஊராட்சி குறுக்குச்சாலை பகுதியில் ரூ.18.42 இலட்சம் மதிப்பீட்டில் புதிதாக கட்டப்பட்டு வரும் 30000 லிட்டர் கொள்ளளவு கொண்ட மேல்நிலை நீர்தேக்கத்தொட்டி, 

கச்சேரி தளவாய்புரம் ஊராட்சியில் ரூ.126.57 கோடி மதிப்பீட்டில் புதிதாக கட்டப்பட்டு வரும் அரசு ஆரம்ப சுகாதார நிலையத்தின் கட்டுமானப் பணிகளையும், கச்சேரி தளவாய்புரம் ஊராட்சியில் ரூ.18.00 இலட்சம் மதிப்பீட்டில்புதிதாக கட்டப்பட்டு வரும் 60000 லிட்டர் கொள்ளளவு கொண்ட மேல்நிலை நீர்தேக்கத் தொட்டியினையும், கச்சேரி தளவாய்புரம், அரசு ஆரம்ப சுகாதார நிலையத்தை மாவட்ட ஆட்சியர் பார்வையிட்டார்.

தொடர்ந்து, ஓட்டப்பிடாரம் வட்டம், எப்போதும்வென்றான் அணைக்கட்டு, எப்போதும்வென்றான் ஊராட்சி ஒன்றிய துவக்கப்பள்ளியில் பள்ளி மாணவ, மாணவியர்களுக்கு வழங்கப்படும் சத்துணவினை பார்வையிட்டு பள்ளி மாணவ, மாணவியர்களின் வாசிப்பு திறனை அறிந்திட செய்தித்தாள்களை கொடுத்து மாணவ, மாணவியர்கள் பிழையின்றி படித்திட மாவட்ட ஆட்சியர் அறிவுறுத்தினார். 

தொடர்ந்து, பி.துரைசாமிபுரம் ஊராட்சி பகுதியில் ரூ.9.77 இலட்சம் மதிப்பீட்டில் கட்டப்பட்டு வரும் நியாய விலைக்கடை கட்டடம், ரூ.22.00 இலட்சம் மதிப்பீட்டில் கட்டப்பட்டு வரும் நூலக கட்டடத்தினையும் பார்வையிட்டார்.

மேலும், கீழமுடிமண் ஊராட்சியில் ரூ.16.55 இலட்சம் மற்றும் ரூ.17.55 இலட்சம் மதிப்பீட்டில் புதிதாக கட்டப்பட்டுவரும் இரண்டு அங்கன்வாடி கட்டிடடங்களையும், ஓட்டப்பிடாரத்தில் புதிதாக கட்டப்பட்டு வரும் வருவாய் வட்டாட்சியர் அலுவலகத்தையும் மாவட்ட ஆட்சியர் க.இளம்பகவத் பார்வையிட்டார்.

இந்த ஆய்வின்போது, கூடுதல் ஆட்சியர் (வளர்ச்சி) இரா.ஐஸ்வர்யா, செயற்பொறியாளர் (கீழ்தாமிரபரணி மற்றும்கோரம்பள்ளம் வடிநிலக் கோட்டம்) வசந்தி, ஒட்டப்பிடாரம் வட்டாட்சியர் ஆனந்த் மற்றும் அரசு அலுவலர்கள், செய்தியாளர்கள் ஆகியோர் உடனிருந்தனர்.