தூத்துக்குடியில் சுனாமி நினைவு தினம்: கடற்கரையில் மலர்தூவி மீனவர்கள் அஞ்சலி

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் சுனாமி நினைவு தினம்: கடற்கரையில் மலர்தூவி மீனவர்கள் அஞ்சலி

வெள்ளி 27, டிசம்பர் 2024 8:22:26 AM (IST)

தூத்துக்குடியில் சுனாமி நினைவு தினத்தையொட்டி, திரேஸ்புரம் கடற்கரையில் மீனவர்கள் மெழுகுவர்த்தி ஏந்தி, மலர் தூவி அஞ்சலி செலுத்தினர்.

இந்தோனேசியாவின் சுமத்ரா தீவில் ஏற்பட்ட நிலநடுக்கம் காரணமாக கடந்த 26.12.2004இல் சுனாமி தாக்கியதில் தமிழகம் மட்டுமன்றி உலகம் முழுவதும் கடற்கரை பகுதியில் சுமார் 2 லட்சம் பேர் உயிரிழந்தனர். படகுகள் உள்ளிட்ட உபகரணங்களை இழந்து மீனவர்கள், வியாபாரிகள், பொதுமக்கள் என தங்கள் வாழ்வாதாரங்களை இழந்தனர்.

இந்த பேரழிவு நிகழ்ந்து 20 ஆண்டுகள் ஆன நினைவு தினம் தூத்துக்குடி திரேஸ்புரம் கடற்கரையில் மீனவர்களால் நேற்று அனுசரிக்கப்பட்டது. சுனாமியால் இறந்தவர்களுக்கு அஞ்சலி செலுத்தும் வகையில் நாட்டு படகு மீனவர்கள் கடலுக்கு மீன் பிடிக்க செல்லாமல் தங்கள் படகுகளை கரையில் நிறுத்தி வைத்திருந்தனர்.

மேலும், அவர்களுக்காக திரேஸ்பரம் மீன்பிடி துறைமுகத்தில் மீனவர்கள் மலர் தூவி, மெழுகுவர்த்தி ஏந்தி, இனிமேல் இதுபோன்ற பேரழிவு வரக்கூடாது என ஒரு நிமிடம் மௌன அஞ்சலி செலுத்தினர். தொடர்ந்து கடல் மற்றும் மீனவர்கள் பாதுகாக்கப்பட வேண்டுமென பிரார்த்தனையில் ஈடுபட்டு, கடல் மாதாவிற்கு பால் ஊற்றி வழிபாடு நடத்தினர்.

இந்நிகழ்வில், பரதவர் முன்னேற்ற பேரவை மாவட்ட இளைஞர் அணித் தலைவர் பாலன், அண்ணா சங்குகுளி சங்கத் தலைவர் இசக்கிமுத்து, துணைத் தலைவர் மாரி லிங்கம், பொருளாளர் விமர்சன், ஆலோசகர் பாத்திமா பாபு, செயலர் முருகையா உள்பட மீனவர்கள் பலர் பங்கேற்றனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

தூத்துக்குடியில் சுனாமி நினைவு தினம்: கடற்கரையில் மலர்தூவி மீனவர்கள் அஞ்சலி

» செய்திகள் - விளையாட்டு » மாவட்ட செய்தி (தூத்துக்குடி)