மீனவர்களுக்கு நலத்திட்ட உதவிகளை அமைச்சர் கீதாஜீவன் வழங்கினார்

தூத்துக்குடியில் உலக மீனவர் தினத்தை முன்னிட்டு மீனவர்களுக்கு நலத்திட்ட உதவிகளை அமைச்சர் கீதாஜீவன் வழங்கினார்.

தூத்துக்குடியில் உலக மீனவர் தின விழா கடற்கரையில் நடந்தது. இதனையொட்டி படகு போட்டி நடைபெற்றது. போட்டியை துவக்கி வைத்து வெற்றி பெற்றவர்களுக்கு பரிசுகளும், மீனவ மக்களுக்கு நலத்திட்ட உதவிகளையும் சமூக நலன் மற்றும் மகளிர் உரிமைத்துறை அமைச்சரும் தூத்துக்குடி வடக்கு மாவட்ட திமுக செயலாளருமான கீதாஜீவன் வழங்கினார்.

இந்நிகழ்ச்சியில், மாநகர திமுக செயலாளர் ஆனந்தசேகரன், மாநில மீனவர் அணி துணைச் செயலாளர் புளோரன்ஸ், மாவட்ட அவைத் தலைவர் செல்வராஜ், மாவட்டத் துணைச் செயலாளர் ஆறுமுகம், மாநகராட்சி வடக்கு மண்டல தலைவர் நிர்மல்ராஜ், வட்ட செயலாளர் டென்சிங், மாமன்ற உறுப்பினர்கள் பவானி, வைதேகி, சுப்புலட்சுமி, நாகேஸ்வரி, மாநகர தொழிலாளர் அணி அமைப்பாளர் முருக இசக்கி, திரேஸ்புரம் பகுதி தகவல் தொழில்நுட்ப அணி அமைப்பாளர் சுரேஷ் குமார் உள்ளிட்டோர் கலந்து கொண்டனர்.