மின்மோட்டார் பொருத்திய குடிநீர் இணைப்புகள் துண்டிப்பு: ஊராட்சி அதிகாரிகள் அதிரடி!

மாப்பிள்ளையூரணி ஊராட்சியில் வீடுவீடாக அதிகாரிகள் ஆய்வு செய்து மின்மோட்டார் பொருத்தியுள்ள குடிதண்ணீர் இணைப்பை உடனடியாக துண்டித்தனர். 

தூத்துக்குடி ஓட்டப்பிடாரம் சட்டமன்ற தொகுதிக்குட்பட்ட மாப்பிள்ளையூரணி ஊராட்சியில் 59 கிராமங்கள் உள்ளடக்கிய பகுதியாக இருந்து வருகிறது. அந்த ஊராட்சியில் ஜல்ஜீவன் குடிநீர் திட்டத்தின்கீழ் பொதுமக்களின் குடியிருப்புகளுக்கு நேரடியாக குடிதண்ணீர் வழங்கப்படும் வகையில் இணைப்புகள் கொடுக்கப்பட்டு குடிதண்ணீர் வழங்கப்பட்டு வருகிறது. 

பல பகுதிகளில் சில சமயங்களில் தண்ணீர் பற்றாக்குறையும் ஏற்படுகிறது. கடந்த சில நாட்களாக மாப்பிள்ளையூரணிபகுதியில் பல குடியிருப்புகளுக்கு சாியாக குடிதண்ணீர் வரவில்லை என்ற புகார் வந்தது. மேலும், விதிமுறைகளை மீறி மின்மோட்டார்கள் பொருத்தி தண்ணீா் எடுக்கப்பட்டதால் அதே பகுதியில் பல இடங்களுக்கு தண்ணீர் வராத நிலை ஏற்பட்டது தெரியவந்தது.

இதையடுத்து ஊராட்சி நிர்வாகம் சாா்பில் அதுபோன்ற முறையற்ற மின்மோட்டார்கள் பொறுத்தப்பட்டுள்ளதா என்று ஊராட்சி மன்ற உறுப்பினர்கள் வீடு முதல் பொதுமக்கள் வீடு வரை ஆய்வு செய்து மின்மோட்டார் இணைப்புள்ள குடிதண்ணீர் இணைப்பை உடனடியாக துண்டித்தனர். இந்த ஆய்வின் போது ஊராட்சி மன்ற தலைவர் சரவணக்குமார், செயலாளர் ஜெயக்குமாா், உறுப்பினர்கள் மகேஸ்வாி, பாரதிராஜா, தங்கமாாிமுத்து, திமுக ஓன்றிய துணைச்செயலாளார் கணேசன், கிளைச்செயலாளர் காமராஜ், உள்பட பலர் உடன் சென்றனர்.