» செய்திகள் - விளையாட்டு » மாவட்ட செய்தி (தூத்துக்குடி)
தாமிரபரணி ஆற்றங்கரையில் மரங்கள் நடவேண்டும் : அமைச்சரிடம் எழுத்தாளர் கோரிக்கை!
வெள்ளி 26, ஜூலை 2024 9:17:41 AM (IST)
![](http://media.tutyonline.net/assets/2024_Part_01/Kamarasu-Anitha.jpg)
தாமிரபரணி ஆற்றில் ஸ்ரீவைகுண்டம் முதல் ஆழ்வார்திருநகரி வரை சீர் செய்து மரம் நட்டு தரவேண்டும் என்று அமைச்சரிடம் எழுத்தாளர் முத்தாலங்குறிச்சி காமராசு கோரிக்கை விடுத்துள்ளார்.
தூத்துக்குடி மாவட்டத்தைச் சேர்ந்த எழுத்தாளர் முத்தாலங்குறிச்சி காமராசு தாமிரபரணி பற்றி அதிகமான நூல் எழுதியவர். இவர் அமைச்சர் அனிதா ராதாகிருஷ்ணனிடம் மனு ஒன்றை நேரில் கொடுத்தார். அதில் அவர் கூறியிருப்பதாவது; தாமிரபரணியை சுத்தப்படுத்த தாங்கள் எடுத்த தமிழக அரசு நடவடிக்கைக்கு நாங்கள் நன்றியை தெரிவித்துக்கொள்கிறோம். இதற்காக கடந்த மாதம் கலியாவூரில் இந்த பணியை மாவட்ட ஆட்சி தலைவர் லட்சுமிபதி தலைமையில் நமது பாராளுமன்ற உறுப்பினர் கனிமொழி துவக்கி வைத்தார். அந்த பணி மிகச்சிறப்பாக நடந்து வருகிறது. ஆனால் அந்த இடம் மிகப்பெரிய இடம்.
மேலும், தாமிரபரணி பணி செய்வது பெரிய அளவில் மக்கள் மத்தியில் தெரிந்து பிரபலமாகாது. எனவே தயவு கூர்ந்து ஸ்ரீவைகுண்டம் அணைக்கட்டில் இருந்து ஆழ்வார்திருநகரி பாலம் வரை இருகரையில் உள்ள முள்செடிகளையும், தாமிரபரணி ஆற்றில் உள்ள முள்செடிகளையும் அமலைசெடிகளையும் அகற்றி, மரங்கள் நட வேண்டும். இதற்காக பலர் உதவ உள்ளனர் அவர்கள் அனைவரையும் ஒருங்கிணைத்து நடவடிக்கை எடுக்க வேண்டும்.
மேலும் பாராம்பரியமிக்க வைணவத்தலங்களில் முதல் திருப்பதி (ஸ்ரீவைகுண்டம்) யில் இருந்து கடைசி திருப்பதி (ஆழ்வார்திருநகரி) வரை சுத்தம் செய்து நாம் பத்திரிக்கையில் விளம்பரம் படுத்தினால், தொடர்ந்து மற்ற பகுதியிலும் சுத்தம் செய்ய தன்னார்வ தொண்டர்கள் முன்வருவார்கள். அப்போது நாம் தாமிரபரணி பணியை செம்மையாக செய்ய ஏதுவாக இருக்கும். எனவே அதற்கான நடவடிக்கை எடுக்க வேண்டும் என்று அந்த மனுவில் குறிப்பிட்டு இருந்தார்.
மனுவை பெற்றுக்கொண்ட அமைச்சர் அனிதா ராதாகிருஷ்ணன் ஆவண செய்வதாக உறுதியளித்தார். மேலும் எழுத்தாளர் முத்தாலங்குறிச்சி காமராசு எழுதிய களரி அடிமுறை பாகம் 3 19ம் நூற்றாண்டு ஆசான்கள் என்ற நூலை அமைச்சரிடம் எழுத்தாளர் அறிமுகம் செய்தார். இந்த நூலின் வாழ்த்துரையை அமைச்சர் அனிதா ராதாகிருஷ்ணன் மற்றும் தூத்துக்குடி மேயர் ஜெகன் பெரியசாமி ஆகியோர் எழுதியிருந்தது குறிப்பிடத்தக்கது.
மக்கள் கருத்து
மேலும் தொடரும் செய்திகள்
![](/npic_s/cee1f86a3b75f70e97b71ad01e821a80/tnpb/small/tutperumal_1725720089.jpg)
தூத்துக்குடி வைகுண்டபதி பெருமாள் கோவிலில் நாளை கல் நிலைக் கால் வைக்கும் வைபவம்!
சனி 7, செப்டம்பர் 2024 8:09:55 PM (IST)
![](/npic_s/cee1f86a3b75f70e97b71ad01e821a80/tnpb/small/Police-09_1725719088.jpg)
ஆயுதப்படை காவல்துறையினர் ஒத்திகை பயிற்சி!
சனி 7, செப்டம்பர் 2024 7:52:34 PM (IST)
![](/npic_s/cee1f86a3b75f70e97b71ad01e821a80/tnpb/small/tutcollectorilambagawat_1725708032.jpg)
மகளிர் சுய உதவிக்குழுக்களுக்கு ஊட்டச்சத்து விழிப்புணர்வு போட்டி : ஆட்சியர் தகவல்!
சனி 7, செப்டம்பர் 2024 4:51:08 PM (IST)
![](/npic_s/cee1f86a3b75f70e97b71ad01e821a80/tnpb/small/annathanamgeet_1725704028.jpg)
போத்தி விநாயகர் கோவிலில் அன்னதானம்: அமைச்சர் கீதாஜீவன் தொடங்கி வைத்தார்
சனி 7, செப்டம்பர் 2024 3:43:09 PM (IST)
![](/npic_s/cee1f86a3b75f70e97b71ad01e821a80/tnpb/small/catmissingposter_1725703200.jpg)
காணாமல்போன பூனையை கண்டுபிடித்து கொடுத்தால் சன்மானம்: கவனம் ஈர்க்கும் போஸ்டர்!
சனி 7, செப்டம்பர் 2024 3:30:24 PM (IST)
![](/npic_s/cee1f86a3b75f70e97b71ad01e821a80/tnpb/small/vinayagarkvp_1725702686.jpg)
கோவில்பட்டியில் விநாயகர் சதுர்த்தி விழா: நலத்திட்ட உதவிகள் வழங்கல்!
சனி 7, செப்டம்பர் 2024 3:17:28 PM (IST)
![](/npic_s/cee1f86a3b75f70e97b71ad01e821a80/tnpb/small/vinayagarhindumunnani_1725692063.jpg)