தூத்துக்குடியில் மீனவர்கள் கடலுக்குச் செல்லவில்லை!

தூத்துக்குடியில் இன்றும் நாளையும், விசைப்படகு மீனவர்கள் கடலுக்கு செல்லமாட்டார்கள் என்று அறிவிக்கப்பட்டுள்ளது. 

தூத்துக்குடியில் பணிமய மாதா ஆலயத் திருவிழா நாளை (26ஆம் தேதி) கொடியேற்றத்துடன் தொடங்கி ஆகஸ்ட் 5 தேதி வரை நடைபெறுகிறது. இன்று 25ஆம் தேதி இன்று மாலை  கொடி பவனி நடைபெறுகிறது. இதன் காரணமாக தூத்துக்குடி மீன்பிடி துறைமுகத்தில் இருந்து விசைப்படகு மீனவர்கள் இன்று கடலுக்கு மீன் பிடிக்க செல்லவில்லை. நாளை 26 ஆம் தேதியும் கடலுக்கு செல்ல மாட்டார்கள். 

மீண்டும் நாளை மறுநாள் (27ஆம் தேதி) முதல் கடலுக்குள் மீனவர்கள் மீன் பிடிக்க செல்வார்கள் என்று விசைப்படகு உரிமையாளர் சங்கம் சார்பில் அறிவிக்கப்பட்டுள்ளது.  மீனவர்கள் கடலுக்குச் செல்லாததால் தூத்துக்குடி மீன்பிடித் துறைமுகத்தில் 272 விசைப் படகுகள் நிறுத்தி வைக்கபட்டுள்ளது.  அதே வேளையில், வெள்ளப்பட்டி, சிலுவைபட்டி, ராஜபாளையம், புதிய துறைமுகம் உள்ளிட்ட மீனவ கிராமங்களில் உள்ள நாட்டு படகு மீனவர்கள் கடலுக்கு மீன் பிடிக்க சென்றுள்ளார்கள்.