பைக் கவிழ்ந்து விபத்து: முதியவர் உயிரிழப்பு!

தூத்துக்குடி அருகே சாலையோரம் பள்ளத்தில் பைக் கவிழ்ந்து விபத்துக்குள்ளானதில் முதியவர் உயிரிழந்தார். மற்றொருவர் படுகாயம் அடைந்தார். 

தூத்துக்குடி அருகே உள்ள எல்லை நாயக்கன்பட்டி கிராமத்தைச் சேர்ந்த சங்கரலிங்கம் மகன் சாமிகண்ணு (72), சுப்பிரமணியம் மகன் பால்ராஜ் (64). இவர்கள் 2பேரும் பைக்கில் தூத்துக்குடி வந்துவிட்டு மீண்டும் தங்களது ஊருக்கு சென்று கொண்டிருந்தனர். பால்ராஜ் வண்டிய ஓட்டவே சாமிக்கண்ணு பின்னால் அமர்ந்திருந்தார். புதுக்கோட்டை அருகே ஒரு பெட்ரோல் பங்க் முன்பு சென்று கொண்டிருந்தபோது திடீரென பைக் நிலை தடுமாறி சாலையோரத்தில் இருந்த பள்ளத்தில் கவிழ்ந்து விபத்துக்குள்ளானது. 

இவ்விபத்தில் பலத்த காயமடைந்த இருவரும் தூத்துக்குடி அரசு மருத்துவமனையில் கொண்டு செல்லப்பட்டனர். அங்கு சிகிச்சை பலனளிக்காமல் சாமிக்கண்ணு பரிதாபமாக இறந்தார். பால்ராஜ் சிகிச்சை பெற்று வருகிறார். இந்த விபத்து குறித்து புதுக்கோட்டை காவல் நிலைய இன்ஸ்பெக்டர் வனசுந்தர் வழக்கு பதிவு செய்து விசாரணை நடத்தி வருகிறார்.