வாலிபரை கத்தியால் குத்திய நண்பர் கைது: தூத்துக்குடி பேருந்து நிலையத்தில் பரபரப்பு!

தூத்துக்குடி பழைய பேருந்து நிலையத்தில் இன்று காலை மது போதையில் தாளமுத்து நகரை சேர்ந்த நண்பர்களான ராஜேஷ் (28) மற்றும் வைரம் (30) ஆகிய இருவருக்கும் இடையே தகராறு ஏற்பட்டுள்ளது. இதில் ஆத்திரம் அடைந்த வைரம், ராஜேஷை கத்தியால் குத்தியுள்ளார். இதுகுறித்து தகவல் அறிந்து மத்திய பாகம் காவல் நிலைய சப் இன்ஸ்பெக்டர் முத்து வீரப்பன் மற்றும் போலீசார் சம்பவ இடத்திற்கு சென்று வைரத்தை கைது செய்து காவல் நிலையத்திற்கு அழைத்து சென்றனர்.

மேலும், கத்திக்குத்தில் காயம் அடைந்த ராஜேஷ் 108 ஆம்புலன்ஸ் மூலம் தூத்துக்குடி அரசு மருத்துவமனைக்கு அனுப்பி வைத்தனர். தூத்துக்குடி அண்ணா பேருந்து நிலையத்தில் பொதுமக்கள் முன்னிலையில் நடந்த இந்த சம்பவம் பரபரப்பை ஏற்படுத்தியது. இதுபோன்ற சமூக விரோத செயல்களை தடுக்க பேருந்து நிலையத்தில் புறக்காவல் நிலையத்தை உடனடியாக திறக்க வேண்டும்,போலீசார் ரோந்து பணியில் ஈடுபட வேண்டும் என்று பயணிகள் மற்றும் பொதுமக்கள் வலியுறுத்தியுள்ளனர்.