கடந்த தமிழகச் சட்டமன்றத் தேர்தலில் நெல்லை மாவட்டம் அம்பாசமுத்திரம் தொகுதியில் அதிமுக சார்பில் போட்டியிட்ட இசக்கி சுப்பையா, 10,245 வாக்குகள் வித்தியாசத்தில் வெற்றி பெற்றார். பின்னர், எம்.எல்.ஏ பதவியை ராஜினாமா செய்த அவர், ஆளுங்கட்சியான த.வெ.க (தமிழக வெற்றிக் கழகம்) கட்சியில் இணைந்தார்.
இதனிடையே, அம்பாசமுத்திரம் தொகுதியில் இசக்கி சுப்பையா பெற்ற வெற்றி செல்லாது என அறிவிக்கக் கோரி காந்திமதிநாதன் என்ற வாக்காளர் சென்னை உயர் நீதிமன்றத்தில் தேர்தல் வழக்கு தொடர்ந்தார். தனக்கு எதிராகத் தொடரப்பட்ட இந்தத் தேர்தல் வழக்கை ரத்து செய்ய வேண்டும் எனக் கூறி இசக்கி சுப்பையா உயர் நீதிமன்றத்தில் மனுத் தாக்கல் செய்திருந்தார்.
இம்மனுவை விசாரித்த உயர் நீதிமன்றம், இசக்கி சுப்பையாவின் கோரிக்கையை நிராகரித்து மனுவைத் தள்ளுபடி செய்து உத்தரவிட்டது. மேலும், அவரது வெற்றிக்கு எதிராகத் தொடரப்பட்ட தேர்தல் வழக்கு தொடர்ந்து விசாரணை செய்யப்படும் என்றும் நீதிமன்றம் தெள்ளத் தெளிவாக அறிவித்துள்ளது.