தூத்துக்குடி மீன்வளக் கல்லூரியில் இறால்கள், நண்டுகளின் இனம் கண்டறிதல் பயிற்சி!

தூத்துக்குடி மீன்வளக் கல்லூரியில் "வணிக முக்கியத்துவம் வாய்ந்த இறால்கள் மற்றும் நண்டுகளின் இனம் கண்டறிதல்” பற்றிய பயிற்சி முகாம் நடைபெற்றது.

தூத்துக்குடி மீன்வளக் கல்லூரியில் "வணிக முக்கியத்துவம் வாய்ந்த இறால்கள் மற்றும் நண்டுகளின் இனம் கண்டறிதல்” என்ற தலைப்பில் ஒரு நாள் பயிற்சி முகாம் மீன்வள உயிரியல் மற்றும் வள மேலாண்மைத் துறையால் நடத்தப்பட்டது. இப்பயிற்சி முகாமில், மீன் ஏற்றுமதி நிறுவனங்களில் பணிபுரியும் பணியாளர்கள் கலந்து கொண்டனர்.  

இப்பயிற்சி முகாமின் துவக்க விழாவில் மீன்வள உயிரியல் மற்றும் வள மேலாண்மைத் துறை உதவிப்பேராசிரியர் ரா. துரைராஜா வரவேற்புரை ஆற்றினார். பேராசிரியர் ந. ஜெயக்குமார், சிறப்புரை வழங்கினார். இக்கல்லூரியின் முதல்வர் (பொறுப்பு) நீ. நீதிச்செல்வன் தலைமையுரை வழங்கி சிறப்பித்தார். அவருடைய உரையில் ஏற்றுமதி நிறுவனங்களில் இறால்கள் மற்றும் நண்டுகளை சரியாக இனம் கண்டறிதலின் அவசியம் பற்றி விரிவாக எடுத்துரைத்தார்.  

அதனைத் தொடர்ந்து, இறுதியாக க. கருப்பசாமி, உதவிப்பேராசிரியர் நன்றியரை வழங்கினார். உதவிப் பேராசிரியர்கள் ரா. துரைராஜா மற்றும் க. கருப்பசாமி இப்பயிற்சி முகாமை ஒருங்கிணைத்து நடத்தினர்.