நாசரேத் மர்காஷிஸ் பள்ளியில் அறிவியல் மன்றவிழா : மாணவர்கள் அசத்தல்!

நாசரேத் மர்காஷிஸ் மேல்நிலைப்பள்ளியில் நடைபெற்ற அறிவியல் மன்ற விழாவில் பள்ளி மாணவர்கள் அறிவியல் படைப்புகளை காட்சியகப்படுத்தி அசத்தினர்.

 

விழாவிற்கு தலைமையாசிரியர் குணசீலராஜ் தலைமை தாங்கினார். உதவி தலைமையாசிரியர் சார்லஸ் திரவியம் முன்னிலை வகித்தார். உடற்கல்வி ஆசிரியர் தனபால் ஆரம்ப ஜெபம் செய்தார். இயற்பியல் ஆசிரியர் ஜெர்சோம் ஜெபராஜ் வரவேற்றார். இவ்விழாவில் பள்ளியின் அறிவியல் ஆசிரியை ஜெயந்தி சுபாஷினி, தேசிய அறிவியல் தினம் குறித்தும், நோபல் பரிசு பெற்ற இந்திய விஞ்ஞானி சர். சி.வி. ராமன் மற்றும் அவர் கண்டுபிடித்த ராமன் ஒளி விளைவு குறித்தும் விளக்கப் படங்களுடன் மாணவர்களுக்கு எடுத்துரைத்தார். 

மாணவர்கள், வரும் காலத்தில், சிறந்த விஞ்ஞானிகளாக வரவேண்டும் என்றும் கேட்டுக் கொண்டார். நிகழ்ச்சியில், ஏழாம் வகுப்பு மாணவர்கள் தாங்கள் உருவாக்கியிருந்த அறிவியல் படைப்புகளான கோள்களின் இயக்கம், லேசர் ஒளி செயல்பாடு, தானியங்கி வாகனத்தின் மாதிரி இயக்கம், கலங்கரை விளக்கத்தின் மாதிரி, ராக்கெட் மாதிரி, ஆகியவற்றின் செயல்திட்டங்கள் குறித்து விளக்கமளித்தனர். அனைவருக்கும் பரிசுகள் வழங்கப்பட்டது. நிறைவாக அறிவியல் ஆசிரியர் ஐசக் சந்தோஷ் பிரபு நன்றி கூறினார்.

இவ்விழாவிற்கான ஏற்பாடுகளை அறிவியல் ஆசிரியர் ஜென்னிங்ஸ் காமராஜ், அறிவியல் ஆசிரியை சோபியா பொன்ஸ், ஓவியக்கலை ஆசிரியர் அலெக்ஸன் கிறிஸ்டோபர், தேசிய மாணவர் படை அலுவலர் சுஜித் செல்வ சுந்தர் மற்றும் ஆசிரியர்கள் செய்திருந்தனர்.