வ.உ.சிதம்பரனாரை தரம் தாழ்த்தி சித்தரித்ததாக சர்ச்சை : சன் குழுமத்திற்கு சைவ வேளாளர் சங்கம் கண்டனம்!

இந்திய சுதந்திரப் போராட்ட வரலாற்றில் முக்கியப் பங்காற்றிய வ.உ. சிதம்பரம் பிள்ளையை அவமதிக்கும் வகையில் ஆதித்யா டிவியில் ஒளிபரப்பப்பட்ட நிகழ்ச்சியில் சித்தரித்துள்ளதாக தூத்துக்குடி சைவ வேளாளர் சங்கம் குற்றம் சாட்டியுள்ளது. மேலும், வரலாற்றுத் தலைவர்கள் மற்றும் சுதந்திரப் போராட்டத் தியாகிகளின் பெருமையைக் குறைத்து மதிப்பிடும் வகையில் செயல்பட்ட சன் குழுமத்திற்கும், அதன் ஆதித்யா டிவி தொலைக்காட்சிக்கும் வன்மையான கண்டனத்தைப் பதிவிட்டுள்ளனர்.

சுதந்திரத்திற்காகத் தியாகம் செய்த தியாகிகளைத் தரக்குறைவாகச் சித்தரிப்பதைத் தொலைக்காட்சி நிறுவனங்கள் தவிர்க்க வேண்டும் என்றும், உரிய நடவடிக்கை எடுக்க வேண்டும் என்றும் கோரிக்கை எழுந்துள்ளது.