அரசுப் பேருந்துகளில் 'விடியல்' வார்த்தை நீக்கம்: இனி வெறும் 'மகளிர் பயணம்' மட்டுமே!

தமிழகத்தில் பெண்களுக்குக் கட்டணமில்லா அரசு நகரப் பேருந்துகளில் எழுதப்பட்டிருந்த 'மகளிர் விடியல் பயணம்' என்ற வாசகம், 'மகளிர் பயணம்' என மாற்றியமைக்கப்பட்டுள்ளது.

தமிழகத்தில் முந்தைய திமுக ஆட்சிக் காலத்தில் பெண்கள் கட்டணமில்லாமல் நகரப் பேருந்துகளில் பயணம் செய்யும் 'மகளிர் விடியல் பயணத் திட்டம்' கொண்டு வரப்பட்டது. இத்திட்டத்திற்கு மகளிர் மத்தியில் பெரும் வரவேற்பு கிடைத்தது. தமிழகத்தில் முதலமைச்சர் விஜய் தலைமையிலான தவெக அரசு பொறுப்பேற்ற பிறகும், முந்தைய அரசின் இத்திட்டம் உட்படப் பல்வேறு மக்கள் நலத்திட்டங்கள் தொடர்ந்து நடைமுறையில் இருந்து வருகின்றன.

இந்நிலையில், பெண்கள் கட்டணமில்லாமல் பயணம் செய்யும் அரசுப் பேருந்துகளில், அவர்கள் எளிதாகத் தெரிந்துகொள்ளும் விதமாக முன் மற்றும் பின் பகுதிகளில் எழுதப்பட்டிருந்த 'மகளிர் விடியல் பயணம்' என்ற வாசகத்திலிருந்து 'விடியல்' என்ற வார்த்தை நீக்கப்பட்டு, 'மகளிர் பயணம்' என மாற்றப்பட்டுள்ளது. இதன் மூலமாக இந்தத் திட்டத்தின் அதிகாரப்பூர்வப் பெயரும் மாற்றம் செய்யப்பட்டிருக்கலாம் எனக் கூறப்படுகிறது.

முந்தைய திமுக அரசு கொண்டு வந்திருந்த ‘நான் முதல்வன்’ என்ற முதன்மையான திறன் மேம்பாட்டுத் திட்டத்தின் பெயரும், தவெக அரசு பொறுப்பேற்ற பின் ‘திறன் தமிழ்நாடு’ என மாற்றம் செய்யப்பட்டது குறிப்பிடத்தக்கது.