தூத்துக்குடி மின்பகிர்மான வட்டத்தில் மின்நுகர்வோர் குறைதீர்க்கும் கூட்டங்கள்: கால அட்டவணை வெளியீடு!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி மின்பகிர்மான வட்டத்தில் மின்நுகர்வோர் குறைதீர்க்கும் கூட்டங்கள்: கால அட்டவணை வெளியீடு!

வியாழன் 25, ஜூன் 2026 8:32:24 AM (IST)

தூத்துக்குடி மின்பகிர்மான வட்டத்தில் உள்ள கோட்ட அலுவலகங்களில் அடுத்த மாதம் (ஜூலை) மின்நுகர்வோர் குறைதீர்க்கும் நாள் கூட்டங்கள் நடைபெறும் தேதிகள் மற்றும் இடங்கள் குறித்த அதிகாரப்பூர்வ விபரங்கள் வெளியிடப்பட்டுள்ளன.

தூத்துக்குடி மாவட்டத்தில் உள்ள மின்நுகர்வோர்களின் குறைகளைக் கேட்டு உடனுக்குடன் நிவர்த்தி செய்யும் பொருட்டு, மாதம் தோறும் கோட்ட மற்றும் செயற்பொறியாளர் அலுவலக அளவிலான குறைதீர்க்கும் நாள் கூட்டங்கள் நடத்தப்பட்டு வருகின்றன. அதன்படி, அடுத்த மாதம் நடைபெறவிருக்கும் கூட்டங்களுக்கான கால அட்டவணையைத் தூத்துக்குடி மின்பகிர்மான வட்ட மேற்பார்வை பொறியாளர் சஹர்பான் அறிவித்துள்ளார்.

கூட்டங்கள் நடைபெறும் தேதிகள் விபரம்:

ஜூலை 7: திருச்செந்தூர் கோட்டத்திற்குட்பட்ட திருச்செந்தூர் செயற்பொறியாளர் அலுவலகத்தில் காலை 11 மணிக்குக் கூட்டம் நடைபெறுகிறது.

ஜூலை 14: தூத்துக்குடி நகர்ப்புற கோட்டத்திற்குட்பட்ட தூத்துக்குடி நகர்ப்புற செயற்பொறியாளர் அலுவலகத்தில் கூட்டம் நடைபெறுகிறது.

ஜூலை 21: கோவில்பட்டி கோட்டத்திற்குட்பட்ட கோவில்பட்டி செயற்பொறியாளர் அலுவலகத்தில் கூட்டம் நடைபெறுகிறது.

ஜூலை 28: தூத்துக்குடி ஊரகக் கோட்டத்திற்குட்பட்ட தூத்துக்குடி ஊரகச் செயற்பொறியாளர் அலுவலகத்தில் குறைதீர்க்கும் கூட்டம் நடைபெறவுள்ளது.

இந்தக் கோட்ட அளவிலான குறைதீர்க்கும் நாள் கூட்டங்களில் அந்தந்தப் பகுதிகளைச் சேர்ந்த மின்நுகர்வோர்கள் மற்றும் பொதுமக்கள் பெருந்திரளாகக் கலந்துகொண்டு, தங்களின் மின்சாரம் சார்ந்த குறைகளை மனுக்களாக அளித்து நிவர்த்தி செய்து கொள்ளுமாறு மின்வாரியத் தரப்பில் கேட்டுக்கொள்ளப்பட்டுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: