குடும்பப் பிரச்சினை: பூச்சி மருந்து குடித்த வாலிபர் சிகிச்சை பலனின்றி மரணம்!

தூத்துக்குடி அருகே உள்ள சாயர்புரம் கட்டாலங்குளம் கிராமம் வடக்கு தெருவைச் சேர்ந்தவர் ராஜா. இவருடைய மகன் சதீஷ்குமார் (20). இவர் கடந்த சில வாரங்களுக்கு முன்பு ஏற்பட்ட குடும்பப் பிரச்சினை காரணமாகக் கடுமையான மன உளைச்சலுக்கு ஆளாகியுள்ளார்.

இதனால் விரக்தியடைந்த சதீஷ்குமார், வீட்டில் யாரும் இல்லாத நேரத்தில் பூச்சி மருந்தைக் குடித்து தற்கொலைக்கு முயன்றுள்ளார். உயிருக்குப் போராடிக் கொண்டிருந்த அவரை மீட்ட குடும்பத்தினர், உடனடி சிகிச்சைக்காகத் தூத்துக்குடி அரசு மருத்துவமனையில் அனுமதித்தனர்.

அங்குள்ள தீவிர சிகிச்சைப் பிரிவில் அனுமதிக்கப்பட்டு, கடந்த சில வாரங்களாக மருத்துவர்களின் தீவிர கண்காணிப்பில் சதீஷ்குமாருக்குச் சிகிச்சை அளிக்கப்பட்டு வந்தது. எனினும், சிகிச்சை பலனளிக்காத நிலையில் இன்று காலை சதீஷ்குமார் பரிதாபமாக உயிரிழந்தார். இச்சம்பவம் குறித்து சாயர்புரம் காவல் நிலைய போலீசார் வழக்குப் பதிவு செய்து, அவரது தற்கொலைக்கான காரணங்கள் குறித்து விசாரணை நடத்தி வருகின்றனர்.