வடிவேலு பாணியில் எடப்பாடி பழனிசாமி காமெடி அரசியல் செய்கிறார்: கான்ஸ்டண்டன் ரவீந்திரன் எம்.பி.

தூத்துக்குடி திமுக வேட்பாளர் அமைச்சர் கீதா ஜீவனை ஆதரித்துப் பிரசாரம் செய்த கான்ஸ்டண்டன் ரவீந்திரன் எம்.பி., எதிர்க்கட்சித் தலைவர் எடப்பாடி பழனிசாமியைக் கடுமையாக விமர்சித்தார். மகளிர் உரிமைத் தொகையை வழங்க முடியாது என்று முதலில் கூறிவிட்டு, இப்போது தாமும் வழங்குவேன் என எடப்பாடி பழனிசாமி கூறுவது, வடிவேலுவின் 'நானும் ரவுடிதான்' பாணியிலான காமெடி அரசியலாக உள்ளது. முதல்வர் ஸ்டாலின் ஆட்சியில் தமிழகம் அனைத்துத் துறைகளிலும் வளர்ச்சி கண்டுள்ளது என்றும், உரிமைத் தொகை ரூ.2,000-ஆக உயர்த்தப்படும் என்றும் உறுதியளித்தார்.

வைகோ முதல் விஜய் வரை 10 ஆண்டுகளுக்கு ஒருமுறை புதிய கட்சிகள் வந்து போய்க்கொண்டே இருக்கும், ஆனால் திமுக என்பது தரம் வாய்ந்த நிரந்தரப் பேரியக்கம். துப்பாக்கிச் சூடு பாதித்தவர்களுக்கு அரசு வேலை வழங்கிய முதல்வர் ஸ்டாலினின் கரத்தை வலுப்படுத்த, அமைச்சர் கீதா ஜீவனை 75 ஆயிரம் வாக்கு வித்தியாசத்தில் வெற்றி பெறச் செய்ய வேண்டும் என மக்களிடம் கேட்டுக்கொண்டார். இந்தக் கூட்டத்தில் பகுதிச் செயலாளர் நிர்மல்ராஜ், துணை மேயர் ஜெனிட்டா, வட்டச் செயலாளர்கள் ரவிச்சந்திரன், அல்பட் லியோ ஜான்சன் மற்றும் கூட்டணி கட்சி நிர்வாகிகள் திரளாகக் கலந்துகொண்டனர்.