தூத்துக்குடியில் சாரண, சாரணியர் சிந்தனை நாள் விழா: 15 பள்ளி மாணவர்கள் பங்கேற்பு

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் சாரண, சாரணியர் சிந்தனை நாள் விழா: 15 பள்ளி மாணவர்கள் பங்கேற்பு

வெள்ளி 6, மார்ச் 2026 5:06:07 PM (IST)

தூத்துக்குடியில் நடைபெற்ற சாரண, சாரணியர் போட்டிகளில் சாரணர் பிரிவில் ஸ்டார் மெட்ரிக் பள்ளியும், சாரணியர் பிரிவில் சுப்பையா வித்யாலயம் பள்ளிகள் முதலிடம் பிடித்தன.

தூத்துக்குடி மாவட்ட பாரத சாரண, சாரணிய இயக்கத்தின் சார்பில் சாரணர் மற்றும் சாரணியர் பிரிவுகளுக்கான சிந்தனை நாள் விழா, மறவன்மடம் பிஷப் கால்டுவெல் கல்லூரியில் மூன்று நாட்கள் நடைபெற்றது.

இதில் குறும்படம் தயாரித்தல், கிராமிய நடனம், ஓவியம், ரங்கோலி, சமையல், கூடாரம் அமைத்தல் உள்ளிட்ட ஒன்பது வகையான போட்டிகள் நடத்தப்பட்டன. சாரணர் பிரிவில் ஸ்டார் மெட்ரிக் மேல்நிலைப் பள்ளி முதலிடத்தையும், பி.எஸ். பெரியநாயகம் மேல்நிலைப் பள்ளி இரண்டாமிடத்தையும் பிடித்தன.

சாரணியர் பிரிவில் சுப்பையா வித்யாலயம் பெண்கள் மேல்நிலைப் பள்ளி முதலிடத்தையும், ஸ்டார் மெட்ரிக் மேல்நிலைப் பள்ளி இரண்டாமிடத்தையும் வென்றன. வெற்றி பெற்றவர்களுக்குத் தொழிலதிபர் விவிலியன், கல்லூரி முதல்வர் ஜெயா ஆகியோர் பரிசுகளை வழங்கினர். தேசியப் பயிற்சியாளர்கள் ஐடா, கிறிஸ்டி ஹேம்லட் விஜி, கார்த்திக், ராஜகோபால், கிருஷ்ணன் ஆகியோர் சிறப்புப் பயிற்சி அளித்தனர்.

இயக்க நிறுவனர் பேடன் பவுல் பிறந்தநாளை முன்னிட்டு ஆசிரமங்களுக்கு அத்தியாவசியப் பொருட்கள் வழங்கப்பட்டன. இதில், 15 பள்ளிகளைச் சேர்ந்த 252 சாரணர்கள், 240 சாரணியர்கள் மற்றும் 30 பொறுப்பாசிரியர்கள் பங்கேற்றனர். இதற்கான ஏற்பாடுகளை மாவட்டச் செயலாளர் எட்வர்ட் ஜான்சன்பால், துணைச் செயலாளர் சகாய மேரி வீனஸ், மாவட்ட ஆணையர் சரவணன் மற்றும் பயிற்சி ஆணையர்கள் செய்திருந்தனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: