» செய்திகள் - விளையாட்டு » மாவட்ட செய்தி (தூத்துக்குடி)

மர்காஷிஸ் பள்ளியில் நன்னெறி வாழ்க்கைக் கல்வி நிகழ்ச்சி

திங்கள் 31, மார்ச் 2025 11:00:52 AM (IST)



நாசரேத் மர்காஷிஸ் மேல்நிலைப்பள்ளியில் மாணவர்களுக்கு உடற்கல்வி, நல்லொழுக்கம் மற்றும் நல்வாழ்வு என்ற தலைப்பில் நன்னெறி வாழ்க்கைக்கல்வி நிகழ்ச்சி நடந்தது.

நாசரேத் மர்காஷிஸ் மேல்நிலைப்பள்ளியில் மாணவர்களுக்கு உடற்கல்வி, நல்லொழுக்கம் மற்றும் நல்வாழ்வு என்ற தலைப்பில் நன்னெறி வாழ்க்கைக்கல்வி நிகழ்ச்சி நடத்தப்பட்டது. தலைமையாசிரியர் குணசீலராஜ் தலைமை வகித்தார். பள்ளியின் முன்னாள் மாணவரும், தனியார் நிறுவன மனித வள மேம்பாட்டு அதிகாரியுமான கமலேஷ் முன்னிலை வகித்தார். இயற்பியல் ஆசிரியர் ஜெர்சோம் ஜெபராஜ் வரவேற்றார். 

சென்னையில் அமைந்துள்ள தமிழ்நாடு உடற்கல்வியியல் மற்றும் விளையாட்டுப் பல்கலைக்கழக தொலைதூரக் கல்வியக இயக்குனர் சத்தியகுமார் கலந்து கொண்டு  சிறப்புரை ஆற்றினார். அவர் பேசுகையில், மாணவர்கள் விளையாட்டுக்கும், கல்விக்கும்  முக்கியத்துவம் தர வேண்டும், பொறுமை, கடின உழைப்பு ஆகியவற்றைக் கொண்டிருக்க வேண்டும், தோல்வியை கண்டு துவண்டு போகக்கூடாது, நாள்தோறும் ஏதேனும் ஒரு விளையாட்டு பயிற்சியில் ஈடுபட வேண்டும், நல்லொழுக்கம் உடையவர்களாகவும், நன்னெறியுடன் கூடிய வாழ்க்கை வாழ்ந்து சமுதாயத்திற்கு பயன் தருபவர்களாகவும் வரவேண்டும் என்று கேட்டுக் கொண்டார். 

தமிழ் ஆசிரியர் எட்வின் நன்றி கூறினார். நிகழ்ச்சிக்கான ஏற்பாடுகளை, உடற்கல்வி இயக்குனர் பெலின் பாஸ்கர், உடற்கல்வி ஆசிரியர்கள் தனபால், சுஜித் செல்வசுந்தர்  கணினி அறிவியல் ஆசிரியர் பொன்தாஸ், அறிவியல் ஆசிரியர் ஜென்னிங்ஸ்  காமராஜ் மற்றும் அலுவலகப் பணியாளர்கள் செய்திருந்தனர்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads



Arputham Hospital


CSC Computer Education

New Shape Tailors





Thoothukudi Business Directory