தூத்துக்குடியில் லாரி டிரைவர் திடீர் மரணம் : போலீசார் விசாரணை

தூத்துக்குடியில் லாரி டிரைவர் திடீரென இறந்தது தொடர்பாக போலீசார்  விசாரணை நடத்தி வருகின்றனர்..

 

ராமநாதபுரம் மாவட்டம் கடலாடி அருகில் உள்ள முத்துராமலிங்கபுரம் கிராமத்தைச் சேர்ந்தவர் ஆதிநாராயணன் இவரது மகன் செல்வேந்திரன் (63), இவருக்கு தங்கத்தாய் என்ற மனைவியும் ஒரு மகள் ஒரு மகன் உள்ளனர். செல்வேந்திரன் தூத்துக்குடி முத்தையாபுரத்தில் உள்ள ஒரு லாரி செட்டில் தங்கி லாரியில் டிரைவராக கடந்த இரண்டு ஆண்டுகளாக பணிபுரிந்து வருகிறார். 

இன்று காலை தூத்துக்குடி புதிய துறைமுகம் மதுரை பைபாஸ் ரோட்டில் உள்ள லாரி செட் முன்பு லாரியை நிறுத்திவிட்டு லாரியில் படுத்து தூங்கினார் அதிகாலையில் பார்க்க போது அவர் லாரியில் இறந்து கிடந்தார். இவர் எப்படி இறந்தார் என்று தெரியவில்லை. இது குறித்து தகவல் அறிந்த முத்தையாபுரம் காவல் நிலைய இன்ஸ்பெக்டர் செந்தில்குமார் மற்றும் போலீசார் சம்பவ இடத்திற்கு சென்று உடலை கைப்பற்றி பரிசோதனைக்காக தூத்துக்குடி அரசு மருத்துவமனைக்கு அனுப்பி வைத்தனர். மேலும் இது சம்பந்தமாக வழக்கு பதிவு செய்து விசாரணை நடத்தி வருகின்றனர்.