தூத்துக்குடி கிரசன்ட் மெட்ரிக் மேல்நிலைப் பள்ளி ஆண்டு விழா

தூத்துக்குடி ஜாமியா பள்ளிவாசல் நிர்வாகம் சார்பில் நடத்தப்படும் கிரசன்ட் மெட்ரிக் மேல்நிலைப் பள்ளியின் 17வது ஆண்டு விழா நடைபெற்றது. 

விழாவிற்கு ஜாமியா பள்ளிவாசல் தலைவரும் பள்ளியின் தாளாளருமான மீராசா மரைக்காயர் தலைமை தாங்கினார். பள்ளியின் தலைவர் சாகுல் சிராஜுதீன், பள்ளியின் செயலாளர் முஹம்மது உவைஸ் பள்ளியின் பொருளாளர் பீர் முகமது அசிம் ஜாமியா பள்ளிவாசல் செயலாளர் எம் எஸ் எப் ரகுமான்,'ஜாமியா பள்ளிவாசல் பொருளாளர் மூசா இப்ராகிம், செயற்குழு உறுப்பினர்கள் ஆடிட்டர் ஜுபைர் ஆகியோர் முன்னிலை வைத்தனர்.

பள்ளியின் எஜுகேஷன் செகிரேட்டரி முகமது ரிஃபான் வரவேற்று பேசினார். பள்ளி முதல்வர் மும்தாஜ் பேகம், ஆண்டு அறிக்கை வாசித்தார். இதில் காயல்பட்டினம் வாவு வாஜியா பெண்கள் கல்லூரி நிறுவனர் செய்யது அப்துல் ரகுமான், முன்னாள் சட்டமன்ற உறுப்பினர் கே ஏ எம் முகமது அபூபக்கர், மாவட்ட கல்வி அலுவலர் சிதம்பரநாதன், ஆகியோர் கலந்து கொண்டு சிறப்புரை ஆற்றினார்கள். மேலும் பள்ளியில் விளையாட்டுப் போட்டியில் வெற்றி பெற்ற மாணவ மாணவிகள் மற்றும் பள்ளியில் முதல் மூன்று மதிப்பெண் மாணவ மாணவிகளுக்கு பரிசுகள் வழங்கி பாராட்டினர். 

விழாவில் பள்ளிவாசல் தலைவர் மீராசா மரைக்காயர் பேசுகையில், "பள்ளியின் புதிய நிர்வாகம் பொறுப்பேற்ற பிறகு பள்ளி பல்வேறு வளர்ச்சி பணிகள் மேற்கொள்ளப்பட்டு உள்ளன. பள்ளியில் கடந்த இரண்டு ஆண்டுகளாக மாணவர்களின் எண்ணிக்கை அதிகரித்து வருகிறது. மேலும் பள்ளியில் மாணவர்களின் தனித்திறமைகளை கண்டறிந்து அவர்களுக்கு முழுமையான பயிற்சி அளிக்கப்பட்டு வருகிறது. 

மேலும் கூடைப்பந்து உள்ளிட்ட பல்வேறு விளையாட்டு பயிற்சி அளிக்கப்பட்டு மாணவர்கள் மாவட்டம் மாநில மற்றும் தேசிய அளவிலான போட்டியில் கலந்து கொண்டு மாணவர்கள் வெற்றி பெற்று நம் மாவட்டத்திற்கும் நம் பள்ளிக்கும் சிறப்பு சேர்த்து வருகின்றனர். மாணவர்களுக்கு கல்வி மட்டும் அல்லாமல் ஒழுக்கத்தையும் கற்றுக் கொடுத்து சிறந்த மாணவனாக உருவாக்கப்பட்டு வருவதாக பள்ளி தலைவர் தெரிவித்தார். 

விழாவில் ஜாமியா பள்ளிவாசல் இமாம் சதக்கத்துல்லா, அரபிக் கல்லூரி பேராசிரியர் சித்திக், இமாம் அக்பர் அலி, இமாம் புகாரி, இந்திய யூனியன் முஸ்லிம் லீக் திரேஸ்புரம் மீராசா, முஸ்லிம் சமுதாய சங்கத் தலைவர் ஏ கே மைதீன், கிதர் பிஸ்மி, சம்சுதீன், மாமன்ற உறுப்பினர் மும்தாஜ், உள்ளிட்ட ஏராளமானோர் கலந்து கொண்டனர். இந்த நிகழ்ச்சி ஏற்பாடுகளை பள்ளி மக்கள் தொடர்பு அலுவலர் ஜாபர் ஜாதிக் மற்றும் அனைத்து ஆசிரியர்கள் சிறப்பாக செய்திருந்தார்.