எட்டையபுரம், விளாத்திகுளத்தில் எம்.ஜி.ஆர் பிறந்த நாள் விழா

மறைந்த தமிழ்நாடு முன்னாள் முதல்-அமைச்சரும், அ.தி.மு.க. நிறுவனத் தலைவருமான எம்.ஜி.ஆரின் 108-வது பிறந்த நாள் இன்று கொண்டாடப்படுகிறது. இதையொட்டி தூத்துக்குடி மாவட்டம் விளாத்திகுளத்தில் பேருந்து நிலையம் முன்பு அலங்கரித்து வைக்கப்பட்டிருந்த அவரது திருவுருவப்படத்திற்கு முன்னாள் ஒன்றிய குழு பெருந்தலைவர் முனியசக்தி ராமச்சந்திரன் தலைமையில்,  அதிமுகவினர் மாலை அணிவித்து மரியாதை செலுத்தினர். 

பின்னர் பேருந்து நிலையத்தில் உள்ள எம்ஜிஆரின் திருவுருவ சிலைக்கு மாலை அணிவித்து மரியாதை செலுத்தினர். அதனைத் தொடர்ந்து பேரணியாக வந்து காய்கறி மார்க்கெட் அருகிலுள்ள  எம்ஜிஆரின் சிலைக்கு மாலை அணிவித்து மரியாதை செலுத்தினார். பின்னர் பொதுமக்களுக்கு இனிப்புகள் வழங்கப்பட்டது,  விளாத்திகுளம் இந்நிகழ்வில் முன்னாள் சட்டமன்ற உறுப்பினர் என்.கே.பெருமாள், ஒன்றிய செயலாளர்கள் மகேஷ்,பால்ராஜ்,நகர செயலாளர் மாரிமுத்து அதிமுக நிர்வாகிகள் வரதராஜ பெருமாள்,ஆனந்த்,ரவி நாயுடு,தங்கராஜ், சண்முகசாமி மற்றும் மகளிர் அணி சாந்தி உள்ளிட்ட ஏராளமான அதிமுகவினர் கலந்து கொண்டனர்.

எட்டையபுரத்தில் எம்.ஜி.ஆரின் முழுவுருவச் சிலைக்கு நகரச் செயலாளர் ராஜகுமார் மாலை அணிவித்து மலர்கள் தூவி மரியாதை செலுத்தினர். பின்னர் பொதுமக்களுக்கு இனிப்புகள் வழங்கினார். இந்நிகழ்வில் அவைத்தலைவர் கணபதி, வார்டு செயலாளர்கள் கார்டன் பிரபு, சின்னத்துரை கருப்பசாமி, சிவா, ஜெயக்குமார், முத்துகிருஷ்ணன், சொக்கன், சிவசுப்பிரமணியன், மூர்த்தி,செல்வி சாந்தி, ரத்தினம், உட்பட  அதிமுகவினர் பலர் கலந்து கொண்டனர்.