கோவில்பட்டியில் மகாகவி பாரதியார் பிறந்ததின ஓவிய போட்டி

நாட்டின் விடுதலைக்காக தனது புரட்சி எழுத்துக்கள் மூலம் விடுதலை எழுச்சியூட்டிய எட்டயபுரத்து முண்டாசு கவிஞன் மகாகவி பாரதியின் பிறந்த தினம் டிச-11ம்தேதி நாடு முழுவதும் கொண்டாடப்படுகிறது. மகாகவி பாரதியின் பிறந்த தினத்தை முன்னிட்டு கோவில்பட்டி முத்தானந்தபுரம் தெருவில் உள்ள கொண்டையராஜீ ஓவிய பயிற்சி பள்ளியில் மாணவர்கள் கலந்து கொண்டு பாரதியின் படத்திற்கு வண்ணம் தீட்டியும்,பாரதியின் உருவத்தை ஓவியமாக வரைந்தனர்.

நிகழ்ச்சிக்கு பாரதியார் நினைவு அறக்கட்டளை நிறுவனர் முத்து முருகன் தலைமை வகித்தார். ஓவிய பயிற்சி பள்ளி நிர்வாகி முருக பூபதி, நூலக வாசகர் வட்ட துணைத் தலைவர் நடராஜன் ஆகியோர் முன்னிலை வகித்தனர். ஓவியபயிற்சி பள்ளி ஆசிரியை முத்து கோமதி வரவேற்றார். ரோட்டரி மாவட்ட முன்னாள் துணை ஆளுநர் டாக்டர் சம்பத்குமார் கலந்துகொண்டு ஓவிய போட்டியில் பங்கேற்ற மாணவர்களுக்கு பரிசுகளை வழங்கி பேசினார். இதில் ஓவிய பயிற்சி பள்ளி மாணவர்கள் பெற்றோர்கள் உள்பட பலர் கலந்து கொண்டனர்.