காதி கிராப்ட் அங்காடியில் தீபாவளி சிறப்பு விற்பனை : கனிமொழி எம்பி துவக்கி வைத்தார்!

தூத்துக்குடி காதி கிராப்ட் அங்காடியில் தீபாவளி  சிறப்பு விற்பனையை அமைச்சர் பி.கீதா ஜீவன் முன்னிலையில் கனிமொழி எம்பி துவக்கி வைத்தார். 

அண்ணல் மகாத்மா காந்தியடிகளின் 156வது பிறந்தநாள் விழாவினை முன்னிட்டு தூத்துக்குடி வ.உ.சி சாலையில் அமைந்துள்ள காதி கிராப்ட் அங்காடியில் தீபாவளி கதர் சிறப்பு விற்பனையை தூத்துக்குடி பாராளுமன்ற உறுப்பினர் கனிமொழி கருணாநிதி,  சமூக நலன் மற்றும் மகளிர் உரிமைத்துறை அமைச்சர் பி.கீதா ஜீவன்  முன்னிலையில் இன்று துவக்கி வைத்தார். விழாவில், மாவட்ட ஆட்சியர் க.இளம்பகவத்,  மாநகராட்சி மேயர் பெ.ஜெகன், மாநகராட்சி துணை மேயர் செ.ஜெனிட்டா உட்பட பலர் கலந்து கொண்டனர்.