காந்தி, காமராஜர் சிலைகளுக்கு சமத்துவ மக்கள் கழகம் மரியாதை!

தூத்துக்குடியில் காந்தி ஜெயந்தி மற்றும் காமராஜர் நினைவு தினத்தை முன்னிட்டு சமத்துவ மக்கள் கழகம் சார்பில் மரியாதை செலுத்தப்பட்டது. 

மகாத்மா காந்திஜி பிறந்த தினம் மற்றும் கர்மவீரர் பெருந்தலைவர் காமராஜர் நினைவு தினத்தை முன்னிட்டு தூத்துக்குடி மாவட்ட சமத்துவ மக்கள் கழகம் சார்பில் மாவட்ட செயலாளர் மாலைசூடி அற்புதராஜ், நாடார் பேரவை மாவட்ட தலைவர் அருண் சுரேஷ் குமார் ஆகியோர் தலைமையில் தூத்துக்குடி பழைய நகராட்சி அலுவலகத்தில் அமைந்துள்ள காந்தி, மற்றும் காமராஜர் உருவ சிலைகளுக்கு மாலை அணிவித்து மரியாதை செய்யப்பட்டது.

இந்நிகழ்ச்சியில் நாடார் பேரவை மாவட்ட செயலாளர் டேனியல் ராஜ், சமத்துவ மக்கள் கழகம் மாவட்ட அவை தலைவர் கண்டிவேல், மாவட்ட பொருளாளர் பழனிவேல், மாவட்டத் துணைச் செயலாளர்கள் அருள்ராஜ், சூசை முத்து மாவட்ட வர்த்தக அணி செயலாளர் சிவசு.முத்துக்குமார், மாவட்ட தொண்டர் அணி செயலாளர் முத்து செல்வம், மாவட்ட விவசாய அணி செயலாளர் கனகராஜ், மாநகரச் செயலாளர் உதயசூரியன், செல்வராஜ் மாவட்ட மகளிர் அணி செயலாளர் ஜேசு செல்வி, சந்திரா, ராதா லட்சுமி உள்பட பலர் கலந்து கொண்டனர்.