தெற்கு கோனார் கோட்டை பள்ளியில் கல்வி வளர்ச்சி தின விழா

கோனார் கோட்டை தமிழ் பாப்திஸ்து துவக்கப்பள்ளியில் பெருந்தலைவர் காமராஜர் பிறந்த நாள் விழாவினை முன்னிட்டு கல்வி வளர்ச்சி நாளாக கொண்டாடப்பட்டது.

தூத்துக்குடி மாவட்டம், கயத்தார் ஒன்றியம் தெற்கு கோனார் கோட்டை தமிழ் பாப்திஸ்து துவக்கப்பள்ளியில் பெருந்தலைவர் காமராஜர் பிறந்த நாள் விழாவினை முன்னிட்டு கல்வி வளர்ச்சி நாளாக கொண்டாடப்பட்டது. இந்நிகழ்ச்சிக்கு பள்ளி தலைமை ஆசிரியர் இராஜையா தலைமை வகித்தார். கோவில்பட்டி தீயணைப்பு மற்றும் மீட்பு பணிகள் துறை நிலைய அலுவலர் சுந்தரராஜ் கலந்துகொண்டு காமராஜர் திருவுருவ படத்திற்கு மாலை அணிவித்து மரியாதை செய்து கலை இலக்கிய போட்டிகளில் வெற்றி பெற்ற மாணவர்களுக்கு பரிசுகளை வழங்கி பேசினார்.

இதில் மாணவர்கள் காமராஜர் மாஸ்க் அணிந்து வந்தனர். மாணவிகளின்நடனம் நடந்தது.  கோவில்பட்டி ஈகிள் புக் சென்டர் சார்பில் பென்சில்கள், இனிப்புகள் வழங்கப்பட்டது. இதற்கான ஏற்பாடுகளை தலைமை ஆசிரியர் இராஜையா, உதவி ஆசிரியை ஜெயராணி ஆகியோர் சிறப்பாக செய்திருந்தனர்.