புனித பிரான்சிஸ் சவேரியார் பள்ளியில் முன்னாள் மாணவர் இயக்க நூற்றாண்டு விழா மலர் வெளியீடு

தூத்துக்குடி புனித பிரான்சிஸ் சவேரியார் மேனிலைப் பள்ளியில் முன்னாள் மாணவர் இயக்க நூற்றாண்டு விழா மலர் வெளியிடப்பட்டது.

இந்நிகழ்ச்சிக்கு இயேசு சபை மதுரை மறைமாநிலத் தலைவர் அருள் தாமஸ் அமிர்தம் சே.ச.தலைமை தாங்கினார். தூத்துக்குடி சவேரியானா அதிபரும் முன்னாள் மாணவர் இயக்கத்தின் இயக்குநருமான அருள் ஆரோக்கியசாமி சே.ச., தாளாளர் அருள் பிரான்சிஸ் சேவியர் சே.ச., தலைமையாசிரியர் அருள்திரு. அமல்ராஜ் சே.ச. ஆகியோர் முன்னிலை வகித்தனர்.

நூற்றாண்டு விழா மலரை மதுரை மறைமாநில இயேசு சபைத் தலைவர் அருள் தாமஸ் அமிர்தம் வெளியிட, முன்னாள் மாணவரும் தொழிலதிபருமான திரு.பிரேம் வெற்றி அவர்கள் பெற்றுக்கொண்டார். விழா மலரை ஆசிரியர் யூஜின் அறிமுகம் செய்தார். முன்னாள் மாணவர் இயக்கத்தின் இயக்குநர் அருள் ஆரோக்கியசாமி சே.ச. மற்றும் தாளாளர் அருள் பிரான்சிஸ் சேவியர் சே.ச. ஆகியோர் வாழ்த்துரை வழங்கினர். முன்னாள் மாணவர் இயக்கத்தின் தலைவர் ஹெர்மன் கில்டு, செயலர் இராஜசேகரன் ஆகியோர் அருள்தந்தையர்க்குப் பொன்னாடை அணிவித்தனர்.

இந்நிகழ்வில் தொழிலதிபர் தனபாலன், ஜூட் ரன், செல்வன் சில்வா, துறைமுக சபை ஊழியர் ரமேஷ், சாக்ரோ உள்ளிட்ட பல முன்னாள் மாணவர்களும் இந்நாள் ஆசிரியர்களும் மாணவர்களும் கலந்து சிறப்பித்தனர். முன்னதாக பள்ளியின் பாடற்குழுவைச் சார்ந்த மாணவர்கள் இறைவணக்கம் பாட, ஆசிரியர் ஜூடின் வரவேற்புரை வழங்கினார். மலர்க்குழுவின் பொறுப்பாசிரியர் நெய்தல் அண்டோ நன்றி கூறினார். நிகழ்வை ஆசிரியர் லியோ பேரின்பராஜ் தொகுத்து வழங்கினார்.