நாசரேத் மர்காஷிஸ் பள்ளியில் கூடைப்பந்து சிறப்பு பயிற்சி முகாம்!

» கல்வி / வேலை » கல்விச்செய்திகள் (தூத்துக்குடி)

நாசரேத் மர்காஷிஸ் பள்ளியில் கூடைப்பந்து சிறப்பு பயிற்சி முகாம்!

வியாழன் 11, ஜூலை 2024 5:27:11 PM (IST)

நாசரேத் மர்காஷிஸ் மேல்நிலைப் பள்ளியில் கூடைப்பந்துக்கான ஒரு நாள் சிறப்பு பயிற்சி முகாம் நடைபெற்றது.

தலைமையாசிரியர் குணசீலராஜ் தலைமை வகித்து முகாமை துவக்கி வைத்தார். உதவி தலைமை ஆசிரியர் சார்லஸ் திரவியம் மற்றும் உடற்கல்வி இயக்குனர் பெலின் பாஸ்கர் ஆகியோர் முன்னிலை வகித்தனர். இயற்பியல் ஆசிரியர் ஜெர்சோம் ஜெபராஜ் பயிற்சிக்கு வந்திருந்த மாணவர்களையும் பயிற்சி கொடுக்க வந்திருந்த பயிற்றுநர்களையும் வரவேற்றார்.

மனோன்மணியம் சுந்தரனார் பல்கலைக்கழகத்தின் கூடைப்பந்து அணியின் முன்னாள் வீரரும், சிறந்த கூடைப்பந்து பயிற்சியாளருமான கர்ணா மற்றும் தூத்துக்குடி வஉசி கல்லூரி கூடைப்பந்து அணியின் முன்னாள் வீரர் சூரியகுமார் கலந்து கொண்டு மாணவர்களுக்கு பயிற்சி அளித்தார்.

கூடைப்பந்து விளையாட்டில் வீரர்கள் பின்பற்றக் கூடிய வழிமுறைகள், விளையாட்டு விதிகள், நுட்பங்கள் ஆகியவை கற்றுக்கொடுக்கப்பட்டது.அதனைத் தொடர்ந்து, சீனியர் மற்றும் சூப்பர் சீனியர் அணி வீரர்களுக்கான கூடைப்பந்து போட்டி நடைபெற்றது. அதனடிப்படையில், மண்டல, மாவட்ட மற்றும் மாநில அளவிலான போட்டிகளில் பங்குபெறும் கூடைப்பந்து அணிகளுக்கான வீரர்கள் தேர்வு செய்யப்பட்டனர்.

போட்டியின் நடுவர்களாக உடற்கல்வி ஆசிரியர் தனபால் மற்றும் என்சிசி அலுவலர் சுஜித்செல்வசுந்தர் ஆகியோர் பணியாற்றினர். ஓவியக்கலை ஆசிரியர் அலெக்ஸன் கிரிஸ்டோபர் நன்றி கூறினார். பயிற்சி முகாமில் கலந்து கொண்ட வீரர்களையும், பயிற்றுவித்த பயிற்றுனர்களையும், முகாமிற்கு ஏற்பாடு செய்த ஆசிரியர்களையும் பள்ளியின் தாளாளர் , ஆசிரியர்கள், ஆசிரியைகள் மற்றும் அலுவலகப் பணியாளர்கள் பாராட்டினர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

நாசரேத் மர்காஷிஸ் பள்ளியில் கூடைப்பந்து சிறப்பு பயிற்சி முகாம்!

» கல்வி / வேலை » கல்விச்செய்திகள் (தூத்துக்குடி)