நாகலாபுரம் சாமி அய்யா நாடார் பள்ளியில் சர்வதேச யோகா தினம்!

தூத்துக்குடி மாவட்டம், விளாத்திகுளம் தாலூகாவிற்கு உட்பட்ட நாகலாபுரம் சாமி அய்யா நாடார் மேல்நிலைப் பள்ளியில் உலக யோக தினம் கொண்டாடப்பட்டது. 

பள்ளியின் தலைவர் தங்கமணி தலைமை வகித்து வாழ்த்தி தொடங்கி வைத்தார். பொறுப்பு தலைமை ஆசிரியை உமா மகேஸ்வரி சிறப்புரையாற்றி வாழ்த்தினார். என்.எஸ்.எஸ். திட்ட அலுவலர் கவுதமன், உடற்கல்வி ஆசிரியை நர்மதா ஆகியோர் முன்னிலை வகித்தனர். என்.சி்.சி. திட்ட பொறுப்பு ஆசிரியர் ஜான்ஸ்டானி அனைவரையும் வரவேற்றார்.

சிறப்பு அழைப்பாளராக நாகலாபுரம் அரசு ஆரம்ப சுகாதார நிலைய சித்தா மருத்துவ அதிகாரி டாக்டர் விஜயலதா மற்றும் மருந்தாளுனர் பழனிமுத்தம்மாள், பணியாளர் குழந்தைச்செல்வி ஆகியோர் கலந்து கொண்டு என். சி். சி. மாணவ தொண்டர்களுக்கு யோகாசனம், மூச்சுபயிற்சி அளித்தனர். முடிவில் வல்லாரை மற்றும் இரும்பு சத்து மாத்திரைகள் வழங்கி பயன்பாடு செயல்முறை விளக்கம் அளித்தனர். நிகழ்ச்சியில் பள்ளியின் என்.எஸ்.எஸ். மாணவ தொண்டர்கள் அனைவரும் பங்கு பெற்றனர்.