தூத்துக்குடி சக்தி வித்யாலயா பள்ளியில் குருளையர் பிறந்தநாள் விழா

தூத்துக்குடி சக்தி வித்யாலயா மெட்ரிக்குலேசன் பள்ளியில் குருளையர் பிறந்தநாள் விழா கேக் வெட்டி கொண்டாடப்பட்டது.

தூத்துக்குடி சக்தி வித்யாலயா மெட்ரிக்குலேசன் பள்ளியின் சாரண, சாரணிய இயக்கம் சார்பில் குருளையர் 106-ம் பிறந்தநாள் விழா (Wildest Birthday Ever) கொண்டாடப்பட்டது. விழாவிற்கு பள்ளியின் தாளாளர் மற்றும் சாரண, சாரணிய இயக்கத்தின் மாநில துணை ஆணையர், மாவட்ட பயிற்சி ஆணையர் (சாரணியர் பிரிவு) ஆ.ஜெயாசண்முகம் தலைமையேற்று சிறப்புரையாற்றினார். 

பள்ளயின் குருளையர் ஆசிரியை த.மணிமேகலை கேக் வெட்டி குருளையர் பிரிவு மாணவர்களுக்கு வாழ்த்து கூறி வழங்கினார். குருளையர்கள் பாட்டுபாடி, விளையாடி பல்லூ (பெருங்கரடி) நடனமாடி மகிழ்ந்தனர். பிறந்தநாள் விழா நிகழ்ச்சியில் சாரண, சாரணிய இயக்கத்தின் நீலப்பறவையினரின் பொறுப்பாசிரியைகள் ரா.ச.பிரியங்கா க.சங்கர ஆவுடையாச்சி ஆகியோர் கலந்து கொண்டனர். நிறைவாக பொறுப்பாசிரியர்கள், ஆசிரியை, மாணவ, மாணவிகள் அனைவருக்கும் ரா.ச.பிரியங்கா நன்றி கூறினார்.