நடிகர் ரஜினிகாந்த் பிறந்த நாள்: முதல்வர் ஸ்டாலின், எடப்பாடி பழனிசாமி வாழ்த்து!

» சினிமா » செய்திகள்

நடிகர் ரஜினிகாந்த் பிறந்த நாள்: முதல்வர் ஸ்டாலின், எடப்பாடி பழனிசாமி வாழ்த்து!

திங்கள் 12, டிசம்பர் 2022 11:46:31 AM (IST)

இன்று பிறந்தநாள் காணும் நடிகர் ரஜினிகாந்துக்கு தமிழக முதல்வர் ஸ்டாலின் மற்றும் அரசியல் தலைவர்கள் பலர் வாழ்த்து தெரிவித்துள்ளனர்.

தமிழக முதல்வர் மு.க.ஸ்டாலின் இன்று (டிச.12), நடிகர் சூப்பர்ஸ்டார் ரஜினிகாந்தை தொலைபேசியில் தொடர்பு கொண்டு பிறந்தநாள் வாழ்த்து தெரிவித்தார். மேலும் தனது ட்விட்டர் பக்கத்தில் வெளியிட்டுள்ள பதிவில்," என் இனிய நண்பர் தமிழ்த் திரையுலக சூப்பர்ஸ்டார் ரஜினிகாந்த் அவர்களுக்குப் பிறந்தநாள் வாழ்த்துகள்! நல்ல உடல்நலத்துடன் பல்லாண்டு வாழ வாழ்த்துகிறேன்." இவ்வாறு அதில் கூறியுள்ளார்.

முன்னாள் முதல்வர் எடப்பாடி பழனிசாமி வெளியிட்ட வாழ்த்துச் செய்தியில், அன்பு சகோதரர் திரு.ரஜினிகாந்த் அவர்களுக்கு எனது இனிய பிறந்தநாள் நல்வாழ்த்துக்கள். ரஜினிகாந்த் அவர்கள் நீண்ட ஆயுளோடும் நல் ஆரோக்கியத்துடனும் வாழ இறைவனை பிரார்த்திக்கிறேன் என்று தெரிவித்துள்ளார்.

பாஜக தலைவர் அண்ணாமலை: இந்திய சினிமாவின் சூப்பர் ஸ்டாருக்கு பிறந்தநாள் வாழ்த்துகள்.நல்ல உடல் நலத்துடன் நீண்ட நாள் வாழ பிரார்த்திக்கிறேன்.

பாமக தலைவர் அன்புமணி ராமதாஸ்: இன்று 73-ஆவது பிறந்தநாள் காணும் புகழ்பெற்ற நடிகர் ரஜினிகாந்துக்கு எனது இனிய பிறந்தநாள் நல்வாழ்த்துகள். அவர் நல்ல உடல்நலத்துடன் நூறாண்டுகள் வாழவேண்டும் என்று வாழ்த்துகிறேன்.

மநீம தலைவர் நடிகர் கமல்ஹாசன்: அன்பு நண்பர் சூப்பர் ஸ்டார் ரஜினிகாந்துக்கு மனமார்ந்த பிறந்தநாள் வாழ்த்துகள். உங்கள் வெற்றிப் பயணம் தொடர இச்சிறந்த நாளில் வாழ்த்துகிறேன்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

நடிகர் ரஜினிகாந்த் பிறந்த நாள்: முதல்வர் ஸ்டாலின், எடப்பாடி பழனிசாமி வாழ்த்து!

» சினிமா » செய்திகள்