தமிழக அரசியலின் அதிசயம்; கூத்தாடி என்ற கூற்றை உடைத்தவர் : எம்ஜிஆருக்கு விஜய் புகழாரம்!

தமிழக அரசியலின் அதிசயம்; தமிழக அரசியல் வரலாற்றின் மையம் எம்.ஜி.ஆர். என்று  தமிழக வெற்றிக் கழக தலைவர் விஜய் புகழாரம் சூட்டினார்.

மறைந்த தமிழ்நாடு முன்னாள் முதல்-அமைச்சரும், அ.தி.மு.க. நிறுவனத் தலைவருமான எம்.ஜி.ஆரின் 108-வது பிறந்த நாள் இன்று கொண்டாடப்படுகிறது. இதையொட்டி தமிழக வெற்றிக் கழக தலைவர் விஜய் வெளியிட்டுள்ள எக்ஸ்தள பதிவில், "அளவற்ற வறுமையைத் தாண்டினார். கூத்தாடி என்ற கூற்றைச் சுக்குநூறாக உடைத்து, தமிழக அரசியல் வரலாற்றின் மையம் ஆனார். அசைக்க முடியாத வெற்றியாளர் ஆனார். அவரே தமிழக அரசியலின் அதிசயம் ஆனார். இறந்தும் வாழும், புரட்சித் தலைவருக்குப் பிறந்தநாள் வணக்கம்" என்று தெரிவித்துள்ளார்.