தூத்துக்குடியில் காரில் பதுக்கி வைத்து கஞ்சா விற்பனை : வாலிபர் கைது!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் காரில் பதுக்கி வைத்து கஞ்சா விற்பனை : வாலிபர் கைது!

திங்கள் 22, ஜூன் 2026 10:44:11 AM (IST)

தூத்துக்குடியில் காரில் பதுக்கி வைத்து கஞ்சா விற்பனை செய்த வாலிபரை போலீசார் கைது செய்துள்ளனர். 1 கிலோ 300 கிராம் கஞ்சா மற்றும் கார் பறிமுதல் செய்யப்பட்டுள்ளது.

தூத்துக்குடி மாநகரப் பகுதியில் போதைப்பொருள் நடமாட்டத்தைக் கட்டுப்படுத்தக் காவல் துறையினர் தீவிரக் கண்காணிப்புப் பணிகளை மேற்கொண்டு வருகின்றனர். இதன் ஒரு பகுதியாகத் தூத்துக்குடி தென்பாகம் காவல் நிலையத்திற்குப் பிரையன்ட் நகர் பகுதியில் போதைப்பொருள் விற்பனை செய்யப்படுவதாக ரகசியத் தகவல் கிடைத்தது.

அதன் அடிப்படையில், தென்பாகம் காவல் நிலைய சப் இன்ஸ்பெக்டர் சுப்புராஜ் தலைமையிலான போலீசார் பிரையன்ட் நகர் முதல் தெருவில் அதிரடிச் சோதனையில் ஈடுபட்டனர். அப்போது அங்குச் சாலையோரமாகச் சந்தேகத்திற்கிடமான வகையில் நின்று கொண்டிருந்த காரில் இருந்தவரிடம் விசாரணை நடத்தினர்.

விசாரணையில், அவர் தூத்துக்குடி மேல சண்முகபுரம் வண்ணார் மூன்றாவது தெருவில் வசிக்கும் முத்துக்குமார் மகன் தருண் குமார் (21) என்பது தெரியவந்தது. தொடர்ந்து போலீசார் அவரது காரைச் சோதனையிட்டபோது, அதில் விற்பனைக்காகப் பதுக்கி வைக்கப்பட்டிருந்த 1 கிலோ 300 கிராம் கஞ்சா இருப்பது கண்டுபிடிக்கப்பட்டது.

இதையடுத்துத் தருண் குமாரைக் கைது செய்த போலீசார், அவரிடமிருந்து 1 கிலோ 300 கிராம் கஞ்சா மற்றும் கடத்தலுக்குப் பயன்படுத்திய காரையும் பறிமுதல் செய்தனர். இச்சம்பவத்தின் பின்னணியில் உள்ள கஞ்சா மொத்த வியாபாரி யார் என்பது குறித்தும், இதில் வேறு யாருக்கெல்லாம் தொடர்பிருக்கிறது என்பது குறித்தும் போலீசார் வழக்குப் பதிவு செய்து தீவிர விசாரணை நடத்தி வருகின்றனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: