தூத்துக்குடியில் ரோட்டரி சங்க உறுப்பினராக அமைச்சர் ஸ்ரீநாத் இணைந்தார்!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் ரோட்டரி சங்க உறுப்பினராக அமைச்சர் ஸ்ரீநாத் இணைந்தார்!

ஞாயிறு 21, ஜூன் 2026 7:53:11 PM (IST)

தூத்துக்குடியில் ரோட்டரி விருது வழங்கும் விழாவில், அமைச்சர் ஸ்ரீநாத் ரோட்டரி சங்கத்தின் புதிய உறுப்பினராக இணைந்தார்.

தூத்துக்குடி மாணிக்கம் மஹாலில் ரோட்டரி சங்கத்தின் பிரம்மாண்ட விருது வழங்கும் விழா நடைபெற்றது. இவ்விழாவில் ரோட்டரி ஆளுநர் தினேஷ் பாபு, ஜோ பிண்டோ வில்லவராயர், ஜோ பிரகாஷ் மற்றும் மகாலிங்கம் ஆகியோர் முன்னிலை வகித்தனர்.

விழாவின் முக்கிய நிகழ்வாக, தொழிலதிபரும் முன்னாள் ரோட்டரி ஆளுநருமான ஜோ சேசையா வில்லவராயர், மீன்வளம் மற்றும் மீனவர் நலத்துறை அமைச்சர் ஸ்ரீநாத் அவர்களுக்கு ரோட்டரி சங்கத்தின் புதிய உறுப்பினர் சேர்க்கைக்கானப் படிவங்களை வழங்கி, அவரைச் சங்கத்தில் இணைத்து வைத்தார்.

இதனைத் தொடர்ந்து மேடையில் பேசிய முன்னாள் ரோட்டரி ஆளுநர் சேசையா வில்லவராயர் ஒரு முக்கியப் புள்ளிவிவரத்தைப் பகிர்ந்துகொண்டார். "தற்போதைய தமிழக சட்டசபையில் மொத்தம் 27 ரோட்டரி உறுப்பினர்கள் சட்டமன்ற உறுப்பினர்களாக பதவி வகித்து வருகின்றனர்.

இதில் ஏற்கனவே 5 ரோட்டரி உறுப்பினர்கள் அமைச்சர்களாகப் பொறுப்பில் இருந்த நிலையில், தற்போது இணைந்துள்ள அமைச்சர் ஸ்ரீநாத்தையும் சேர்த்து மொத்தம் 6 பேர் தமிழக அமைச்சரவையில் அமைச்சர்களாக உள்ளனர். இதன் மூலம் தற்போதைய சட்டசபையில் 10 விழுக்காடு ரோட்டரி சங்க உறுப்பினர்கள் மக்கள் பிரதிநிதிகளாக அங்கம் வகிக்கிறார்கள்" என்று பெருமிதத்துடன் குறிப்பிட்டார்.

இந்நிகழ்ச்சியில் தூத்துக்குடி மட்டுமன்றி நெல்லை, குமரி, தென்காசி, விருதுநகர், சிவகங்கை, ராமநாதபுரம் உள்ளிட்ட பல்வேறு தென்மாவட்டங்களைச் சேர்ந்த ரோட்டரி சங்க உறுப்பினர்கள் மற்றும் நிர்வாகிகள் திரளாகக் கலந்து கொண்டனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: