வாலிபர் தற்கொலை: போலீசார் விசாரணை!

கழுகுமலையில் வாலிபர் தற்கொலை செய்து கொண்டது தொடர்பாக போலீசார் விசாரணை நடத்தி வருகின்றனர்.  

தூத்துக்குடி மாவட்டம், கழுகுமலை குமரேசன் நகரைச் சேர்ந்தவர் வெள்ளைச்சாமி மகன் மனோ (21). பெயிண்டிங் வேலை செய்து வந்துள்ளார். கடந்த ஒரு வாரமாக வேலைக்கு செல்லாமல் இருந்துள்ளார். இந்நிலையில் நேற்று அவர் வீட்டில் யாரும் இல்லாத நேரத்தில் சேலையால் தூக்குபோட்டு தற்கொலை செய்து கொண்டார். அவரது தற்கொலைக்கான காரணம் தெரியவில்லை. இதுகுறித்து  கழுகுமலை போலீசார் வழக்குப் பதிந்து விசாரணை நடத்தி வருகின்றனர்.