பூட்டிய வீட்டிற்குள் அழுகிய நிலையில் முதியவர் சடலம் மீட்பு!

» செய்திகள் - விளையாட்டு » மாவட்ட செய்தி (தூத்துக்குடி)

பூட்டிய வீட்டிற்குள் அழுகிய நிலையில் முதியவர் சடலம் மீட்பு!

திங்கள் 27, ஏப்ரல் 2026 8:55:51 AM (IST)

சாத்தான்குளம் அருகே சவேரியார்புரத்தில் தனது வீட்டில் தனியாக வசித்து வந்த 90 வயது முதியவர், அழுகிய நிலையில் சடலமாக மீட்கப்பட்ட சம்பவம் அப்பகுதியில் சோகத்தை ஏற்படுத்தியுள்ளது.

தூத்துக்குடி மாவட்டம், சாத்தான்குளம் அருகிலுள்ள சவேரியார்புரத்தைச் சேர்ந்தவர் மரிய அந்தோணி (90). இவரது மனைவி ஏற்கனவே இறந்துவிட்ட நிலையில், இவருக்கு ஐந்து பிள்ளைகள் உள்ளனர். அவர்கள் அனைவருக்கும் திருமணமாகி வெவ்வேறு ஊர்களில் வசித்து வருகின்றனர். இதனால் மரிய அந்தோணி மட்டும் தனது வீட்டில் தனியாக வசித்து வந்தார்.

இந்நிலையில், நேற்று ஞாயிற்றுக்கிழமை மரிய அந்தோணியின் வீட்டிலிருந்து கடுமையான துர்நாற்றம் வீசுவதாக அக்கம் பக்கத்தினர் சாத்தான்குளம் போலீசாருக்குத் தகவல் அளித்தனர். தகவலறிந்து சம்பவ இடத்திற்கு விரைந்து வந்த காவல் ஆய்வாளர் ஸ்டீபன் ஜோஸ், உதவி ஆய்வாளர் செல்வராஜ் மற்றும் போலீசார், வீட்டின் கதவை உடைத்து உள்ளே சென்று பார்த்தனர். அப்போது மரிய அந்தோணி சடலமாகக் கிடப்பது தெரியவந்தது.

முதியவரின் உடல் அழுகிய நிலையில் இருந்ததால், அவர் இறந்து சுமார் 3 நாட்கள் இருக்கலாம் எனப் போலீசார் சந்தேகிக்கின்றனர். முதற்கட்ட விசாரணையில், கடந்த 3 நாட்களுக்கு முன்பு அவர் மது அருந்திவிட்டு உணவு ஏதும் உட்கொள்ளாததால், உடல்நலக் குறைவு ஏற்பட்டு உயிரிழந்திருக்கலாம் எனத் தெரியவந்துள்ளது.

இது குறித்துச் சாத்தான்குளம் போலீசார் வழக்குப் பதிவு செய்து, முதியவரின் மரணம் குறித்துத் தீவிர விசாரணை மேற்கொண்டு வருகின்றனர்.

மக்கள் கருத்து

ஒருவன்Apr 27, 2026 - 09:14:33 AM | Posted IP 162.1*****

வயதான பெற்றோரை கவனிக்காத 5 முட்டா பிள்ளைகளுக்கு வயதாகும்போது அதே நிலை தான் வரும்.

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: