கார் பாலத்தில் மோதியதில் டிரைவர் சாவு : 2 பேர் படுகாயம்

கயத்தார் அருகே கார் பாலத்தில் மோதியதில் டிரைவர் பரிதாபமாக இறந்தார். காரில் பயணம் செய்த 2 பேர் படுகாயம் அடைந்தனர்.

நெல்லை கிருஷ்ணாபுரம் மேட்டுக்குடியை சேர்ந்தவர் குமரேசன் இவரது மகன் கணேசன் (32). பாளையங்கோட்டை செஞ்சி காலணியில் வசிப்பவர் மோகன் இவரது மகள் ஐஸ்வர்யா (27). இவர்கள் 2 பேரும் மதுரைக்கு சென்று விட்டு மீண்டும் காரில் திருநெல்வேலிக்கு வந்து கொண்டிருந்தனர். காரை திருநெல்வேலி ஜங்ஷன் பகுதியை சேர்ந்த சுப்ரமணியன் மகன் மாரி செல்வம் வயது 29 என்பவர் ஓட்டி வந்தார். 

மதுரை திருநெல்வேலி தேசிய நெடுஞ்சாலை ரோட்டில் கயத்தார் அருகே உள்ள ராஜா புதுக்குடி ஹோட்டல் அருகே வரும்போது கார் நிலை தடுமாறி பாலத்தின் மீது மோதியதில் டிரைவர் மாரிசெல்வம் அதே இடத்தில் உடல் நசுங்கி பரிதாபமாக இறந்தார். மேலும் படுகாயம் அடைந்த கணேசன் மற்றும் ஐஸ்வர்யா இரண்டு பேரும் திருநெல்வேலி பாளையங்கோட்டை அரசு மருத்துவமனையில் சிகிச்சைக்காக அனுமதிக்கப்பட்டனர். இந்த சம்பவம் குறித்து கயத்தாறு காவல் நிலைய போலீசார் வழக்கு பதிவு செய்து விசாரணை நடத்தி வருகிறார்கள்.