தூத்துக்குடி தொகுதியில் ஸ்ரீநாத் போட்டி: தவெக வேட்பாளர்கள் பட்டியல்

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி தொகுதியில் ஸ்ரீநாத் போட்டி: தவெக வேட்பாளர்கள் பட்டியல் - விஜய் அறிவிப்பு!

ஞாயிறு 29, மார்ச் 2026 7:53:45 PM (IST)

தூத்துக்குடி மாவட்டத்தில் உள்ள 6 சட்டமன்ற தொகுதிகளுக்கான தவெக வேட்பாளர்கள் பட்டியலை கட்சியின் தலைவர் விஜய் வெளியிட்டார். தூத்துக்குடியில் விஜயின் நண்பர் ஸ்ரீநாத் வேட்பாளராக அறிவிக்கப்பட்டுள்ளார்.

2026 தமிழகச் சட்டமன்றத் தேர்தலில் முதன்முறையாகக் களம் காணும் நடிகர் விஜய்யின் தமிழக வெற்றிக் கழகத்தின் 234 தொகுதிகளுக்குமான வேட்பாளர்களை சென்னையில் இன்று நடைபெற்ற வேட்பாளர் அறிமுகக் கூட்டத்தில், கட்சியின் தலைவர் விஜய் இன்று அறிவித்தார். இதில் விஜய் பெரம்பூர், திருச்சி கிழக்கு ஆகிய 2 தொகுதிகளில் போட்டியிட உள்ளார்.

மேலும் தூத்துக்குடி மாவட்டத்தில் உள்ள 6 தொகுதிகளுக்கான வேட்பாளர்களை அவர் அறிவித்தார். அதில் தூத்துக்குடி தொகுதியில், விஜயின் நண்பர் ஸ்ரீநாத் வேட்பாளராக அறிவிக்கப்பட்டுள்ளார். திருச்செந்தூர் தொகுதியில் ஜேகேஆர் முருகன், கோவில்பட்டி தொகுதியில் பாலசுப்ரமணியன், விளாத்திகுளம் தொகுதியில் காசிராம், ஓட்டப்பிடாரம் தொகுதியில் மதன்ராஜா, ஸ்ரீவைகுண்டம் தொகுதியில் சரவணன் ஆகியோர் வேட்பாளர்களாக அறிவிக்கப்பட்டுள்ளனர்.

அஜிதா ஆதரவாளர்கள் அதிருப்தி

தமிழக வெற்றிக் கழககத்தின் முன்னாள் தூத்துக்குடி மாவட்ட செயலாளராக இருந்தவர் அஜிதா ஆக்னல். இவரது மாவட்ட செயலாளர் பதவி பறிக்கப்பட்ட நிலையில் கடந்த டிசம்பர் மாதம் பனையூரில் விஜய்யின் காரை மறித்து போராட்டம் நடத்தினார். அதைத் தொடர்ந்து தூக்க மாத்திரைகளை சாப்பிட்டு தற்கொலைக்கும் முயற்சி செய்தார்.

இந்த நிலையில் தமிழக சட்டசபை தேர்தலுக்கான தமிழக வெற்றிக் கழகத்தின் வேட்பாளர் பட்டியலில் தனது பெயர் இடம்பெறும் என்று மிகுந்த எதிர்பார்ப்புடன் அவர் இருந்து வந்ததாக கூறப்படுகிறது. ஆனால் தற்போது விஜய் அறிவித்த வேட்பாளர்கள் பட்டியலில் அஜிதா ஆக்னல் பெயர் இடம்பெறாத காரணத்தால் தூத்துக்குடியில் அவரது ஆதரவாளர் ஒருவர் தனது காரில் இருந்த த.வெ.க. கொடி மற்றும் சின்னமான விசிலையும் கழற்றி வீசியுள்ளார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: