தூத்துக்குடியில் மீன் வரத்து அதிகரிப்பு: விற்பனை அமோகம்; பொதுமக்கள் ஆர்வம்!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் மீன் வரத்து அதிகரிப்பு: விற்பனை அமோகம்; பொதுமக்கள் ஆர்வம்!

ஞாயிறு 22, மார்ச் 2026 9:36:44 AM (IST)

தூத்துக்குடி திரேஸ்புரம் நாட்டுப்படகு மீன்பிடி துறைமுகத்தில் நேற்று மீன்களின் வரத்து அதிகமாக இருந்ததால் விற்பனை விறுவிறுப்பாக நடைபெற்றது. விடுமுறை மற்றும் ரமலான் பண்டிகையை முன்னிட்டு பொதுமக்கள் போட்டி போட்டு மீன்களை வாங்கிச் சென்றனர்.

தூத்துக்குடி திரேஸ்புரம் பகுதியில் இருந்து தினந்தோறும் ஏராளமான மீனவர்கள் நாட்டுப்படகுகளில் ஆழ்கடலுக்குச் சென்று மீன்பிடி தொழிலில் ஈடுபட்டு வருகின்றனர். நேற்று அதிகாலையில் கரை திரும்பிய மீனவர்களுக்கு மீன்பாடு அமோகமாக இருந்தது. சீலா, பாறை, ஊழி உள்ளிட்ட பல வகை மீன்கள் அதிகளவில் கிடைத்ததால், மீனவர்கள் உற்சாகத்துடன் திரேஸ்புரம் ஏலக்கூடத்திற்கு மீன்களைக் கொண்டு வந்தனர்.

நேற்று விடுமுறை தினம் மற்றும் ரமலான் பண்டிகை என்பதால், அதிகாலை முதலே திரேஸ்புரம் துறைமுகத்தில் பொதுமக்களும், உள்ளூர் வியாபாரிகளும் அதிகளவில் குவிந்தனர். வழக்கமாகப் பண்டிகை காலங்களில் மீன்களின் விலை உயரும் என்று எதிர்பார்க்கப்பட்ட நிலையில், வரத்து அதிகமாக இருந்ததால் விலையில் பெரிய மாற்றம் ஏதுமின்றி மீன்கள் விற்பனை செய்யப்பட்டன.

மீன் விலை நிலவரம் (ஒரு கிலோ): சீலா மீன்: ரூ. 1,000 வரை, விளை மீன், ஊழி, பாறை: ரூ. 250 முதல் ரூ. 550 வரை, சூப்பர் நண்டு: ரூ. 900 வரை, கேரை, சூரை: ரூ. 200 வரை, மஞ்ச கிளி மீன்: ரூ. 150 வரை, சாளை மீன்: ரூ. 2,000 (ஒரு கூடை), வங்கனை மீன்: ரூ. 2,500 (ஒரு கூடை) விற்பனை செய்யப்பட்டன.

விதவிதமான மீன்கள் தாராளமாகக் கிடைத்ததால் பொதுமக்கள் தங்களுக்குப் பிடித்தமான மீன்களை ஆர்வமுடன் வாங்கிச் சென்றனர். மீன்களுக்குச் சரியான விலை கிடைத்ததால் மீனவர்களும் மகிழ்ச்சி அடைந்தனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: