வட்டார ஒருங்கிணைப்பாளர் பணியிடங்களுக்கு விண்ணப்பிக்கக் கால அவகாசம் நீட்டிப்பு!

» செய்திகள் - விளையாட்டு » மாவட்ட செய்தி (தூத்துக்குடி)

வட்டார ஒருங்கிணைப்பாளர் பணியிடங்களுக்கு விண்ணப்பிக்கக் கால அவகாசம் நீட்டிப்பு!

செவ்வாய் 17, பிப்ரவரி 2026 3:57:55 PM (IST)

தூத்துக்குடி மாவட்டத்தில் காலியாக உள்ள வட்டார ஒருங்கிணைப்பாளர் பணியிடங்களுக்கு விண்ணப்பிப்பதற்கான வயது வரம்பு உயர்த்தப்பட்டுள்ளதாகவும், தகுதியுள்ளவர்கள் வரும் பிப்ரவரி 19-ஆம் தேதி மாலைக்குள் விண்ணப்பிக்கலாம் என்றும் மாவட்ட ஆட்சியர் க.இளம்பகவத் தெரிவித்துள்ளார்.

தூத்துக்குடி மாவட்ட இயக்க மேலாண்மை அலகின் கீழ், தமிழ்நாடு மாநில ஊரக வாழ்வாதார இயக்கத்தில் 23 வட்டார ஒருங்கிணைப்பாளர் பணியிடங்களை ஒப்பந்த அடிப்படையில் நிரப்புவதற்கான அறிவிப்பு கடந்த 08.02.2026 அன்று வெளியிடப்பட்டது.

முதலில் இதற்கான அதிகபட்ச வயது வரம்பு 30 என நிர்ணயிக்கப்பட்டு, பிப்ரவரி 16-ஆம் தேதிக்குள் விண்ணப்பிக்க அறிவுறுத்தப்பட்டிருந்தது. தற்போது, சென்னை தமிழ்நாடு மகளிர் மேம்பாட்டு நிறுவன மேலாண்மை இயக்குநரின் உத்தரவுப்படி (கடித எண்: 86/A2/2026), இந்த வயது வரம்பு 30-லிருந்து 35 ஆக உயர்த்தப்பட்டுள்ளது.

விண்ணப்பிக்கும் முறை:

தகுதி: 35 வயதுக்குள் உள்ள தகுதியான விண்ணப்பதாரர்கள் இப்பணிக்கு விண்ணப்பிக்கலாம்.

கடைசி நாள்: வரும் 19.02.2026 (வியாழக்கிழமை) மாலை 5:45 மணிக்குள் விண்ணப்பங்கள் வந்து சேர வேண்டும்.

முகவரி: பூர்த்தி செய்யப்பட்ட விண்ணப்பங்களை தூத்துக்குடி மாவட்ட இயக்க மேலாண்மை அலுவலகத்திற்கு அனுப்பி வைக்க வேண்டும்.

இணையதளம்: விண்ணப்பப் படிவங்களை thoothukudi.nic.in என்ற மாவட்டத்தின் அதிகாரப்பூர்வ இணையதள முகவரியிலிருந்து பதிவிறக்கம் செய்து கொள்ளலாம்.

தகுதியுள்ள நபர்கள் இந்த அரிய வாய்ப்பைப் பயன்படுத்திக் கொள்ளுமாறு மாவட்ட ஆட்சியர் க.இளம்பகவத் கேட்டுக்கொண்டுள்ளார்.

மக்கள் கருத்து

M Muthu SelviFeb 19, 2026 - 06:09:43 PM | Posted IP 172.7*****

I am interested to work

Priyadharshini SivagnanamFeb 18, 2026 - 06:38:52 PM | Posted IP 162.1*****

Good

Priyadharshini SivagnanamFeb 18, 2026 - 06:38:44 PM | Posted IP 162.1*****

Good

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: